पुणे (प्रतिनिधी)-पुणे रेल्वे स्थानकावर पुणे रेल्वे सुरक्षा दलाचा 37 वा स्थापना दिवस साजरा करण्यात आला. या स्थापना दिनानिमित्त डेक्कन क्वीनच्या प्रवाश्यांचे आरपीएफच्या श्वान पथकाने पुष्पगुच्छ देऊन स्वागत केले.
पुणे रेल्वे स्थानकावर श्वानाची प्रात्यक्षिके सादर करण्यात आली. बेवारस वस्तू, श्वानांनी शोधल्या. प्रवाश्यांनी प्रवासात अनोळखी व्यक्ती कडून खाण्यापिण्याची वस्तू घेऊ नये, आपल्या वस्तूंची काळजी कशी घ्यावी यावर जनजागृतीपर पथनाट्य सादर करण्यात आले.
यावेळी पुणे रेल्वे सुरक्षा दलाचे निरीक्षक बी.एस.रघुवंशी, प्रीती देशमुख, के. के. अंबावत, उपनिरीक्षक अजित कोल्हे उपस्थित होते.