पुणे – आपल्या आसपासच्या भागात आवश्‍यक असलेली विकासकामे पुणेकरांना महापालिकेच्या 2023-24 या आर्थिक वर्षाच्या अंदाजपत्रकात नागरिकांना पाच लाखांपर्यंत काम सुचविता येणार आहेत. तीन सदस्यांच्या प्रभागासाठी 75 लाखांपर्यंत तर दोन सदस्यांच्या प्रभागासाठी 50 लाखांपर्यंतची कामे क्षेत्रीय कार्यालयांना स्विकारता येणार आहेत.
महापालिका आयुक्त विक्रम कुमार यांनी याबाबतचे आदेश दिले असून नागरिकांना दि. 1 सप्टेंबरपर्यंत ही कामे क्षेत्रीय कार्यालय स्तरावर सुचविता येणार आहेत. यासाठी नागरिकांना पालिकेकडून ऑनलाइन सुविधाही उपलब्ध करून देण्यात येणार आहे.
महापालिकेकडून 2007 पासून नागरिकांच्या सहभागाचे अंदाजपत्रक तयार करण्यात येते, जनवानी संस्थेच्या पुढाकाराने हा उपक्रम सुरू करण्यात आला होता. त्यानंतर गेल्या 15 वर्षांपासून हा उपक्रम सुरू आहे. नागरिकांनी सुचविलेली ही कामे महापालिका अस्तित्वात असताना प्रभाग समितीसमोर मांडून त्यास मान्यता घेऊन नंतर अंदाजपत्रकात समाविष्ट केली जातात.
मुख्यमंत्री शिंदे यांचा इशारा; म्हणाले, “मला बोलण्यास भाग पाडू नका”
मात्र, या वर्षी महापालिकेवर प्रशासक असल्याने महापालिका सहाय्यक आयुक्त हे प्रस्ताव मंजूर करणार असून त्यानंतर ही यादी अंतीम मान्यतेसाठी महापालिका आयुक्‍तांना पाठवून त्याचा समावेश अंदाजपत्रकात केला जाणार असून सुमारे 10 कोटींच्या कामांचा अंदाजपत्रकात केला जाणार आहे.
भाजपला रामराम करून तृणमूलमध्ये गेलेल्या आमदाराला ईडी नोटीस
