Pune: जनसेवा सहकारी बँकेच्या शनिपार शाखेचे स्थलांतर शॉप नं.1 गिरीधर पारिजात, ए विंग, ज्ञानप्रबोधिनी जवळ, सदाशिव पेठ, पुणे येथील नूतन वास्तूत झाले. या स्थलांतरीत शाखेचे उद्घाटन बँकेचे अध्यक्ष डॉ. राजेंद्र हिरेमठ यांच्या हस्ते करण्यात आले. याप्रसंगी बँकेचे उपाध्यक्ष रवि तुपे, बँकेचे मुख्य कार्यकारी अधिकारी शिरीष पोळेकर उपस्थित होते. नवीन शाखेची जागा ही शहराच्या मध्यवर्ती ठिकाणी असल्याने सर्वांना सोयीची आहे. तत्पर ग्राहक सेवा आणि सर्व प्रकारच्या बँकिंग सुविधा सहजपणे उपलब्ध करून देण्यासाठी बँक कायम कटिबध्द असल्याचे अध्यक्ष डॉ. राजेंद्र हिरेमठ यांनी नमूद केले. सध्या बँकेच्या एकूण 28 शाखा असून त्यांपैकी पुणे शहर 21, पुणे जिल्हा 3, सातारा जिल्हा 3, ठाणे 1 असा शाखाविस्तार आहे. दि. 31 मार्च 2026 अखेर बँकेचा एकूण व्यवसाय रक्कम रु. 3240.36 कोटी इतका आहे. बँकेची स्वतःची 26 ए.टी.एम. केंद्र आहेत. तसेच अन्य बँकांच्या 1,25,000 पेक्षा अधिक ए.टी.एम. केंद्रांतून पैसे काढण्याची सुविधा ग्राहकांना उपलब्ध करुन दिली आहे. जनसेवा बँक ग्राहकांना चांगल्या प्रकारे आर्थिक सेवा देण्यात नेहमीच अग्रेसर राहिली आहे. त्याच बरोबर शैक्षणिक, सामाजिक व आरोग्य विषयक क्षेत्रामध्येही बँक योगदान देत असते.
