पुणे : बेकायदा पिस्तूल बाळगणारा जेरबंद

एक पिस्तूल चार काडतूसे हस्तगत
पुणे –
बेकायदा पिस्तूल बाळगणाऱ्या एकास हडपसर पोलिसांनी अटक केली. त्याच्या ताब्यातून गावठी बनावटीचे पिस्तूल व चार काडतूसे हस्तगत करण्यात आली. अजय दिलीप लागळे(26,रा.गोंधळेनगर, हडपसर) असे अटक आरोपीचे नाव आहे.

पोलिसांनी दिलेल्या माहितीनूसार हडपसर पोलीस ठाण्याचे पथक गस्त घालत असताना पोलीस शिपाई नितीन मुंढे यांना गोंधळेनगरच्या पुलावर एक व्यक्ती बुलेटवर बसला असून त्याच्याकडे पिस्तूल असल्याची खबर मिळाली होती. त्यानूसार सापळा रचून आरोपी लाळगेला ताब्यात घेण्यात आले. त्याची अंगझडती घेतली असता पिस्तूल व काडतूसे हस्तगत करण्यात आली. त्याच्यावर आर्म ऍक्‍टनूसार गुन्हा दाखल करण्यात आला आहे.

ही कारवाई करत असतानाच तडीपार आरोपी विनित रविंद्र इंगळे(21,रा.हडपसर) हाही पोलिसांच्या जाळ्यात सापडला. त्यालाही ताब्यात घेऊन तडीपारीचा भंग केल्याचा गुन्हा दाखल करण्यात आला. ही कारवाई वरिष्ठ पोलीस निरीक्षक बाळकृष्ण कदम, पोलीस निरीक्षक राजु अडागळे व दिगंबर शिंदे यांच्या मार्गदर्शनाखाली सहायक पोलीस निरीक्षक संजय चव्हाण, पोलीस उपनिरीक्षक सौरभ माने यांच्या पथकाने केली.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.