पुणे : सामाजिक कार्यकर्ते आणि संत तुकाराम महाराजांचे वंशज शिरीष महाराज मोरे यांचे काही दिवसांपूर्वी निधन झाले. राज्याचे उच्च व तंत्रशिक्षण आणि संसदीय कार्य मंत्री चंद्रकांतदादा पाटील यांनी आज (गुरुवारी) मोरे कुटुंबियांची भेट घेऊन शिरीष महाराजांना श्रद्धांजली वाहिली आणि मोरे कुटुंबियांचे सांत्वन केले.
महाराजांच्या अकस्मिक जाण्याने मोरे कुटुंबियांवर दु:खाचा डोंगर कोसळला आहे. त्यांनी आपलं संपूर्ण आयुष्य समाज कार्यासाठी समर्पित केलं होतं. त्यांच्या जाण्याने केवळ वारकरी संप्रदायाचे नव्हे; तर समस्त हिंदू समाजाचेही प्रचंड नुकसान झाले आहे.
अशी भावना व्यक्त करत त्यांच्या कुटुंबाचे संपूर्ण पालकत्व घेत असल्याचे यावेळी सांगितले. दरम्यान, महाराजांच्या लहान भगिनीला नोकरी किंवा व्यवसायासाठी मदत करण्यासह तिच्या विवाहाची सर्व जबाबदारी घेत असल्याबद्दल पाटील यांनी मोरे कुटुंबियांना आश्वास्त केले.
