कोंढवा – हडपसर मतदारसंघातील विविध समाजातील व काही बारा बुलतेदारांनी अपक्ष उमेदवार गंगाधर बधे यांना जाहीर पाठिंबा दर्शविला आहे. बधे यांना मतदारांच्या वाढत्या प्रतिसादामुळे कमी अधिक मतांनी त्यांच्या विजयाचा आलेख उंचावल्याचे मतदार संघातील राजकीय मंडळीच व्यक्त करू लागली आहेत.
राजकीय पक्षांच्या उमेदवारांनाही बधे यांना होणाऱ्या मतांची चिंता लागली आहे. मतदार संघातील निवडणुकीत तिसरा पर्याय म्हणून गंगाधर बधे यांचे नाव पुढे येत आहे. त्यामुळे या मतदार संघात धक्कादायक निकाला लागू शकतो, असा अंदाज वर्तविला जात आहे.
मतदार संघातील अपक्ष उमेदवारांमध्ये नंबर एक वर असलेले गंगाधर बधे यांनी लोकवस्त्या, रहिवासी सोसायटी मधील मतदारांच्या गाठीभेटीवर भर दिल आहे. अपक्ष उमेदवार गंगाधर बधे यांनी केलेली सामाजिक कामे, सर्वधर्मियांना आपलेसे करून ठेवणे, मतदार संघातील ज्येष्ठ नागरिक असो, गरीब-कष्टकरी यांना मदत करणारा हक्काचा माणूस म्हणून बधे यांना चांगला प्रतिसाद वाढतो आहे. मतदार संघामध्ये कष्टकरी व बारा बलुतेदार मतदारांनी गंगाधर बधे यांची भेट घेत त्यांना पाठिंबा दर्शवला आहे. मतदारसंघातील काही धनगर समाज
बांधवांनी मानाची असलेली घोंगडी आणि काठी भंडारा उधळून गंगाधर बधे यांना पाठिंबा दिल्याचे जाहीर केले. इतर राजकीय नेते केवळ वापर करून घेण्याचा प्रयत्न करतात, मतदारांची किंमत ही निवडणुकीपुरतीच असते, त्यामुळे विकास कामे करणारे व कष्टकरी वर्गाचे हित जपणारे गंगाधर बधे यांनाच निवडून द्यावे, असे आवाहन सामान्य नागरिकांनी केले आहे.
पदयात्रा व बाईक रॅली…
कोंढवा बुद्रुक येथून पदयात्रा व बाइक रॅलीला सुरूवात झाली. ही बाइक रॅली पुढे श्रीराम चौक टिळेकर नगर, सर्व गल्ल्या, केदारेश्वर नगर, पाण्याची टाकी, राजमाता कॉलनी, आर.के.कॉलनी यानंतर गोकुळ नगर व त्या ठिकाणी सर्व गल्ल्या या भागांमध्ये झाली. दरम्यान, पदयात्रा व बाइक रॅलीमध्ये नागरिकांनी उत्स्फूर्तपणे गंगाधर बधे यांना रस्त्यामध्ये थांबून विजयाचा आशीर्वाद दिला.
