गावखेड्यातील सर्व थांबे आता घेणार : प्रवाशांच्या सेवेसाठी हे ब्रीद खरे करणार!
नीरा ते स्वारगेट 16, तर स्वारगेट ते नीरा 15 फेऱ्या
नीरा – नीरा ते हडपसर या मार्गावर पीएमपीएमएलची बस सेवा चार महिन्यांपूर्वी सुरू झाली. आता एसटी महामंडळ व पीएमपीएमएल प्रशासनामध्ये झालेल्या स्पर्धात्मक वादामुळे पीएमपीएमएल बस सेवा बंद करण्याच्या भूमिकेत असतानाच, सासवड एसटी आगाराने नव्याने नीरा ते पुणे या मार्गावर बसच्या फेऱ्या वाढवून, पुढील काळात दर आर्ध्या तासाला स्वारगेट-नीरा-स्वारगेट बस सेवातीही मागणी असेल त्या गावखेड्यात थांबा देत “प्रवाशांच्या सेवेसाठी’ हे ब्रीद खरे करण्याचा प्रयत्न करणार आहेत.
जून महिन्याच्या सुरवातीलाच पुणे जिल्ह्याच्या ग्रामीण भागातील पुणे महानगरपालिकेची पीएमपीएमएन बस सेवा बंद होण्याच्या हलचालींना वेग आला होता. पण नीरा, सासवड, हडपसर मार्गावरील गाव खेड्यातील प्रवाशी मात्र या विरोधात आक्रमक झाले होते. एसटी नको पीएमपीएमएल बसच पाहिजे या भूमिकेत होते.
तर काहींनीपीएमपीएमएल बस सेवे प्रमाणे एसटी विभागाने गावखेड्यात व वाडीवस्तीवर थांबा देऊन दर तासाला किंवा अर्ध्या तासाला बस सेवा सुरू केल्यास स्वागत केले जाईल अशीही भूमिका मांडली होती. या भुमिकूला प्रतिसाद देत मागील दोन दिवसांत सासवड आगर व्यवस्थापक मनिषा इनामके व स्थानक प्रमुख इसाक सय्यद यांनी एसटीच्या विभागीय वरिष्ठांशी संपर्क करत अशी सेवा सासवड आगार देऊ शकतो असे आश्वासीत केले.
पीएमपीएमएल बसने जशी सेवा दिली त्याच पद्धतीने सासवड एसटी आगाराने ही आता कंबर कसली आहे. प्रवाशांना मागणी असेल तेथे थांबा अशी सेवा दिली जाईल. दिव्यांग, ज्येष्ठ नागरीक, शालेय व महाविद्यालयीन विध्यार्थी यांना सवलतीची सोय असणार आहे. प्रवाशांनी या बस सेवेला सहकार्य केल्यास पुढील काळात दर आर्ध्या तासाला स्वारगेट नीरा बस सेवा सुरू करण्याचा मानस आहे.
– मनिषा इनामके, आगार व्यवस्थापक सासवड
आजपासून सेवा
नीरा ते स्वारगेट बस सेवा सुरु करण्याच्या मागणीला विभाग नियंत्रक रमाकांत गायकवाड व विभागीय वाहतूक अधिकारी ज्ञानेश्वर ननवरे यांनी नुकताच हिरवा कंदील दिल्याने नीरा ते स्वारगेट 16 व स्वारगेट ते नीरा 15 फेऱ्यांची बस सेवा बुधवार (दि. 8) पासून सुरु होत असल्याची माहिती सासवड स्थानक प्रमुख इसाक सय्यद यांनी दिली.