सोरतापवाडी : पेठ (ता. हवेली) ग्रामपंचायतीच्या सरपंचपदी मोनिका श्रीकांत चौधरी यांची बिनविरोध निवड करण्यात आली. आधीचे सरपंच शोभाकाकी चौधरी यांनी सरपंच पदाचा राजीनामा दिल्यानंतर ही निवडणूक घेण्यात आली.
निवडणूक निर्णय अधिकारी म्हणून अष्टापुरच्या सर्कल गीताश्री काळे यांनी काम पाहिले. तसेच तलाठी निवृत्ती गवारे ग्रामसेवक नंदकुमार चव्हाण यांनी काळे यांना सहकार्य केले. मोनिका चौधरी यांच्या निवडीने पेठ गावात बिनविरोध सरपंच पदाच्या निवडीची परंपरा कायम ठेवली असून सर्व माजी सरपंच, माजी उपसरपंच व सदस्यांचे परिसरातून कौतुक होत आहे.
यावेळी यशवंत सहकारी साखर कारखान्याचे माजी संचालक रघुनाथअण्णा चौधरी, आदर्श सरपंच सूरज चौधरी, आदर्श सरपंच महादेव चौधरी, माजी सरपंच तानाजी चौधरी, शोभाकाकी चौधरी, विजया चौधरी, जयश्री चौधरी, उपसरपंच काळुराम चौधरी, रामदास चौधरी, तुळशीराम चौधरी, सोमनाथ चौधरी, सुजित चौधरी, अमोल चौधरी, सुनील चौधरी, ज्ञानेश्वर चौधरी, सुनील गायकवाड, बापु चौधरी, पोलीस पाटील दत्तात्रय चौधरी, बाबुराव गायकवाड, म्हसु चौधरी, आदी उपस्थित होते.
मोनिका चौधरी या यशवंत सहकारी साखर कारखान्याचे माजी संचालक व हवेली तालुक्याचे ज्येष्ठ नेते रघुनाथअण्णा चौधरी यांच्या सूनबाई आहेत. सर्व सदस्य एकत्र येऊन सगळ्यांचे विचार घेऊन सर्वांना विश्वासात घेऊन गावचा विकास करण्यात येईल. असे नवनिर्वाचित सरपंच मोनिका चौधरी यांनी सांगितले.
