वाघोली : वाघोली येथे नवकार प्रतिष्ठानच्या माध्यमातून व वाघोली श्री जैन श्रावक संघाच्या सहकार्यातून उभारण्यात आलेल्या वाघोली श्री जैन स्थानक भवन इमारतीचे उद्घाटन व युवाचार्य प. पू. महेंद्रऋषीजी महाराज यांचा ४४ वा दीक्षा दिवस समारंभ उत्साहात पार पडला.
सकाळी केसनंद फाटा येथे युवाचार्य प. पू. महेंद्रऋषीजी महाराज व अन्य साधू साध्वी यांचे स्वागत करण्यात आले. यानंतर केसनंद फाटा ते अभिषेक लॉन्स पर्यंत पदयात्रा काढण्यात आली. सौ. आशाबाई रमणलाल लुंकड जैन स्थानक भवन असे नामकरण असलेल्या भावनाचे उद्घाटन उद्योजक रमणलाल लुंकड व कुटुंबीयांच्या हस्ते करण्यात आले.
याप्रसंगी युवाचार्य प पू. महेन्द्र ऋषीजी महाराज, प पू. अक्षय ऋषीजी महाराज, प पू. प्रशांत ऋषीजी महाराज, प. पू. कमलमुनी कमलेशजी महाराज, प. पू. गौतम मूनिजी महाराज, प. पू. हितेंद्र ऋषीजी महाराज, प. पू. प्रतिभाश्रीजी महाराज, प. पू. दिव्याज्योतीजी महाराज, प. पू. सत्यसाधनाजी महाराज, प. पू. पदमावतीजी महाराज, उद्योजक प्रकाश धरिवाल, विजयकांत कोठारी, पोपटलाल ओस्तवाल, विलास राठोड, दीपक लुंकड, आमदार ज्ञानेश्वर कटके, आमदार बापूसाहेब पठारे, प्रदीप कंद, पुणे परिसरातील लोकप्रतिनिधी, पदाधिकारी, नागरिक, जैन बांधव मोठ्या संख्येने उपस्थित होते.
याप्रसंगी स्थानक भवन इमारत कामासाठी योगदान देणाऱ्यांचा सन्मान करण्यात आला. यावेळी ४४ व्या दीक्षा दिवस निमित्त युवाचार्य प. पू. महेंद्रऋषीजी महाराज यांचा सन्मान करण्यात आला. या कार्यक्रमासाठी नवकार प्रतिष्ठान व श्री जैन श्रावक संघाच्या सदस्यांनी परिश्रम घेतले.
