डोर्लेवाडी ( प्रतिनिधी ) : बारामती तालुक्यात कोरोना रुग्ण संख्येत झपाट्याने वाढ होत आहे. तालुक्यात गेल्या चोवीस तासात तब्बल 45 रुग्ण आढळले असून यामध्ये शहरात 30 तर तालुक्यात ग्रामीण मध्ये 15 रुग्ण आढळून आले आहेत. असे असताना बारामती तालुक्यातील झारगडवाडीतील सरपंच निवडीत नवनिर्वाचित सरपंच आणि पॅनल प्रमुखांकडून कोरोनाची पायमल्ली सुरू आहे.
आज झालेल्या निवडीनंतर महिला सरपंच, सदस्य आणि पदाधिकारी यांना कोरोनाचा विसर पडलाय यामुळे अश्या सरपंच सदस्याकडून गावातील नागरिकांनी काय संदेश घ्यायचा असा प्रश्न निर्माण झाला आहे.
यावेळी नवनिर्वाचित सरपंच वैशाली मासाळ, उपसरपंच सोनाली चव्हाण, पूनम आवटे, वैष्णव बळी, अनिता जाधव, सोनाली करे, पदमनाथ निकम, नारायण कोळेकर, दयाराम महाडिक, पोपट निकम, राजेंद्र बोरकर, सुखदेव निकम, आप्पासो साळुंके, रमेश बोरकर, सतीश कुलाळ, नितीन मासाळ, नितीन शेडगे, आदी ग्रामस्थ मोठ्या संख्येने उपस्थित होते.
आता कोरोनाची पायमल्ली करणाऱ्या महिला सरपंच, उपसरपंच आणि पदाधिकारी यांच्यावर पोलिस काय कारवाई करणार हे पहावे लागणार आहे.