Spain News – स्पेनमध्ये गगनाला भिडलेल्या घरांच्या किमतींमुळे अनेक नागरिक घर विकत घेऊ शकत नाहीत. घरांच्या या वाढीव किंमतींविरोधात आज मध्य माद्रिदमध्ये हजारो लोकांनी निदर्शने केली. आंदोलकांनी वाढत्या भाड्यांवर नियंत्रण ठेवण्यासाठी आणि परवडणाऱ्या घरांची उपलब्धता सुधारण्यासाठी अधिक कठोर सरकारी उपाययोजनांची मागणी केली. २०२५ च्या अखेरीस स्पेनमधील घरांच्या किमती वार्षिक तुलनेत जवळपास १३ टक्क्यांनी वाढल्या. पर्यटनातील तेजी, स्थलांतराशी संबंधित लोकसंख्या वाढ आणि सार्वजनिक घरांची कमतरता यांमुळे ही वाढ झाली आहे, असे विश्लेषकांचे मत आहे. देशाला सुमारे सात लाख घरांची कमतरता भासत आहे, असा अंदाज बँक ऑफ स्पेनने वर्तवला आहे. स्पेनमध्ये पर्यटनातही मोठी वाढ नोंदवली गेली असून, गेल्या वर्षी विक्रमी ९७ दशलक्ष आंतरराष्ट्रीय पर्यटकांचे स्वागत करण्यात आले. स्पेनमध्ये पुढील वर्षी होणाऱ्या सार्वत्रिक निवडणुकांच्या पार्श्वभूमीवर पंतप्रधान पेद्रो सांचेझ यांच्यासमोर घरांचे संकट हे एक मोठे राजकीय आव्हान म्हणून उभे राहिले आहे.