मुंबई – प्रियांका चोप्रा नुकतीच भारतात येऊन गेली. यावेळी चाहत्यांनी तिने मुलीला सोबत का आणले नाही ? असा सवाल वारंवार विचारला होता. तसेच निदान भारतात आल्यावर तर मुलीचा चेहरा दाखव अशी मागणी अनेक चाहत्यांनी सोशल मीडियावर केली होती. आता प्रियांकाने चाहत्यांची ही इच्छा पूर्ण केली आहे. प्रियांका चोप्राने नुकताच तिच्या मुलीचा चेहरा दाखवला आहे. जे पाहून चाहते खूप खूश होऊ शकतात.
प्रियांकाने अनेकदा सोशल मीडियावर मुलीचा फोटो शेअर करताना तिचा चेहरा कव्हर केला होता. मुलीच्या चेहऱ्यावर ती अनेकदा हार्ट ईमोजी लावत असे. तिच्या अशा कृतीबद्दल ती मुलीला नजर लागू नये म्हणून असे करत असलयाचे तर्क अनेकांनी सोशल मीडियावर लावले होते. परंतु आता प्रियंकाने आपल्या मुलीचे क्युट फोटो शेअर केले आहेत.
या फोटोंमध्ये प्रियांकाची मुलगी मालती मेरीचा चेहरा दिसत आहे. डोक्यात घातलेल्या टोपीमुळे ती खूपच क्युट दिसत आहे. यावेळी ती शांत झोपलेली असल्याचे फोटोवरून दिसून येते. प्रियांका बऱ्याच दिवसांनी भारतात आली होती. ती लवकरच फरहान अख्तरच्या ‘जी ले जरा’ या चित्रपटात दिसणार आहे. या चित्रपटात तिच्यासोबत आलिया भट्ट आणि कतरिना कैफ देखील दिसणार आहेत.