नवीदिल्ली – पंतप्रधान नरेंद्र मोदी सध्या दोन दिवसीय गुजरातच्या दौऱ्यावर आहेत. आज पंतप्रधानांनी भूजमध्ये जोरदार शक्तीप्रदर्शन करत रोड शो केला. स्थानिक नागिरिकानी देखील पंतप्रधानांचे जोरदार स्वागत केले. यावेळी अनेक नागरिकांनी रस्त्याच्या बाजूला उभे राहून भारत माता की जय च्या घोषणा दिल्या.
या रोड शोचा एक व्हिडिओ सोशल मीडियावर व्हायरल होत आहे. या व्हिडिओमध्ये मुस्लिम समाजातील लोक मोठ्या संख्येने भारत माता की जयच्या घोषणा देत आहेत. तसेच यावेळी पंतप्रधानही गाडीतून उतरून लोकांना अभिवादन करताना दिसत आहेत. गुजरातमधील भूकंपात मृत्युमुखी पडलेल्यांना श्रद्धांजली म्हणून बांधण्यात आलेल्या स्मृती वन या संग्रहालयाचे उद्घाटन करण्यासाठी पंतप्रधान रविवारी आले होते. या कार्यक्रमापूर्वी त्यांनी रोड शो देखील केला.
पीएम के रोड शो के दौरान मुस्लिम समुदाय के लोगों द्वारा भारत माता की जय के नारे लगाए… #modirally #gujarat #pmmodi #narendramodi pic.twitter.com/NRCidiRd9p
— अजीत तिवारी (@ajittiwari24) August 28, 2022
पंतप्रधान नरेंद्र मोदी यांनी गुजरातचे मुख्यमंत्री असताना स्मृती वन संग्रहालय उभारण्याची योजना तयार केली होती. भुजियो टेकडीवर सुमारे 470 एकर जागेवर बांधलेल्या या संग्रहालयात आठ ब्लॉक्स बनवण्यात आले आहेत. यामध्ये भूकंपात प्राण गमावलेल्या 12,932 बळींच्या नावाच्या पाट्या लावण्यात आल्या आहेत. याशिवाय गुजरातची हडप्पा संस्कृती, भूकंपशास्त्र, वारसा, संस्कृती आणि कला यांची झलकही येथे पाहायला मिळेल.
