अटल बिहारी वाजपेयींना राष्ट्रपती आणि पंतप्रधान मोदींनी वाहिली श्रद्धांजली 

नवी दिल्ली – मुत्सदी, चाणाक्ष, वक्‍ते, कवी आणि माजी पंतप्रधान अटल बिहारी वाजपेयी यांची आज पहिली पुण्यतिथी आहे. नवी दिल्लीतील त्यांचे ‘सदैव अटल’ स्मृती स्थळावर राष्ट्रपती रामनाथ कोविंद, पंतप्रधान नरेंद्र मोदी, गृहमंत्री अमित शहांसह अनेक नेत्यांनी श्रद्धांजली वाहिली.

‘सदैव अटल’ स्मृती स्थळावर वाजपेयींच्या पुण्यतिथीनिमित्त कार्यक्रमाचे आयोजन करण्यात आले आहे. यावेळी अटल बिहारी  वाजपेयींची कन्या नमिता कौल भट्टाचार्य, नात निहारीकासह कुटुंबातील सदस्य उपस्थित राहिले आहेत. उपराष्ट्रपती व्यंकय्या नायडू यांनीही ट्विटरवरुन वाजपेयींना श्रद्धांजली दिली.

दरम्यान, भारतरत्न अटल बिहारी वाजपेयी यांचे दीर्घ आजाराने वयाच्या ९३ व्या वर्षी निधन झाले होते. त्यांच्या निधनाने भारतीय राजकारणातील एका युगाचा अस्त झाला.

Ads

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)