Prayagraj Accident। उत्तर प्रदेशातील प्रयागराज जिल्ह्यात भीषण अपघात झाला आहे. या अपघातात १० भाविकांचा जागीच मृत्यू झाला आहे, तर १९ जण गंभीर जखमी झाले आहेत. अपघाताची माहिती मिळताच पोलीस घटनास्थळी पोहोचले. अपघातातील जखमींना वाचवण्यात आले असून जवळच्या रुग्णालयात दाखल करण्यात आले. दरम्यान, सर्व मृतदेह शवागारात ठेवण्यात आले आहेत. बोलेरोमधील सर्व लोक पुरुष होते, ज्यांचे वय २५ ते ४५ च्या दरम्यान होते. अपघातात सर्वांनी आपले प्राण गमावले आहेत.
बोलेरो गाडीत छत्तीसगडमधील भाविक Prayagraj Accident।
मिळालेल्या माहितीनुसार, शुक्रवारी रात्री उशिरा प्रयागराज-मिर्झापूर महामार्गावर एक मोठा रस्ता अपघात झाला. भाविकांनी भरलेली बोलेरो कार आणि बसची समोरासमोर धडक झाली, ज्यामध्ये १० जणांचा मृत्यू झाला. या अपघातात बोलेरोमध्ये प्रवास करणाऱ्या सर्व १० भाविकांचा जागीच मृत्यू झाला. हे सर्व जण छत्तीसगडमधील कोरबा जिल्ह्यातील रहिवासी होते.
बसमध्ये प्रवास करणारे जखमी मध्य प्रदेशातील रहिवासी Prayagraj Accident।
बोलेरोमध्ये प्रवास करणारे सर्व १० भाविक संगम स्नानासाठी जत्रेच्या परिसरात येत असल्याचे सांगण्यात येत आहे. या अपघातात बसमध्ये प्रवास करणारे १९ भाविक जखमी झाले, जे संगममध्ये स्नान करून वाराणसीला जात होते. सर्व जखमींना सीएचसी रामनगर येथे दाखल करण्यात आले आहे. बसमध्ये प्रवास करणारे सर्व भाविक मध्य प्रदेशातील राजगड जिल्ह्यातील रहिवासी आहेत.
बस्तीमध्येही मोठा रस्ता अपघात, ४ जणांचा मृत्यू
उत्तर प्रदेशातील बस्ती जिल्ह्यातूनही एका मोठ्या अपघाताची बातमी आहे. याठिकाणी एका कारची ट्रॅक्टर ट्रॉलीशी टक्कर झाली. या अपघातात चार जणांचा मृत्यू झाला आहे. ट्रॅक्टर ट्रॉलीमध्ये तंबूचे साहित्य भरण्यात आल्याचे सांगण्यात येत आहे. समोरून येणाऱ्या कारवर ट्रॉलीची धडक झाली.
बस्ती जिल्ह्यातील पकोलिया पोलीस स्टेशन परिसरातील बभानन हरैया रस्त्यावरील बेनीपूर चौकात हा अपघात झाला. अपघातानंतर, पोलिसांनी गंभीरपणे नुकसान झालेल्या कारमध्ये अडकलेला मृतदेह कापून बाहेर काढला. अपघाताची माहिती मिळताच एसपी अभिनंदन आणि इतर अधिकारी घटनास्थळी पोहोचले.
