पुणे – डॉक्टरांवर होणाऱ्या हल्ल्याच्या निषेधार्थ देशभरातील डॉक्टर आज निषेध नोंदवित आहेत. डॉक्टरांवर हल्ले करणाऱ्यांवर कडक कारवाई करावी, अशी मागणी यावेळी करण्यात येत आहे. राज्यातील सार्वजनिक रूग्णालयातील जवळपास दहा हजार डॉक्टर या आंदोलनात सहभागी झाले आहेत. अत्यावश्यक सेवा सोडून रुग्णालयातील बाकी सर्व सेवा बंद ठेवण्यात आल्या आहेत. त्यामुळे राज्यात आरोग्यसेवा कोलमडली आहे.
दरम्यान, कोलकात्यामधील एका वैद्यकीय महाविद्यालयात असा प्रकार नुकताच घडला. एका रुग्णाचे निधन झाल्यामुळे त्याच्या नातेवाईकांनी डॉ. परिबाहा मुखर्जी आणि यश टेकवानी या कार्यरत ज्युनिअर डॉक्टरला मारहाण केली. त्यामध्ये त्यांच्या डोक्याला गंभीर दुखापत झाली असून त्यांची मृत्यूशी झुंज सुरू आहे.