नवी दिल्‍ली :- पंतप्रधान नरेंद्र मोदी दिनांक ८ ते १० जुलै दरम्यान रशिया आणि ऑस्ट्रियाला अधिकृत भेट देणार आहेत. अशी माहिती परराष्ट्र व्यवहार मंत्रालयाने दिली आहे. पंतप्रधान मोदी दिनांक ८ आणि ९ जुलै रोजी रशियाचे अध्यक्ष व्लादिमीर पुतीन यांच्या निमंत्रणावरून २२ व्या भारत-रशिया वार्षिक शिखर परिषदेसाठी मॉस्कोला भेट देणार आहेत.
उभय नेते दोन्ही देशांमधील बहुआयामी संबंधांचा आढावा घेतील आणि परस्पर हिताच्या समकालीन प्रादेशिक आणि जागतिक मुद्द्यांवर विचारांचे आदान-प्रदान करतील. त्यानंतर पंतप्रधान ९ आणि १० जुलै रोजी ऑस्ट्रियाला भेट देतील. गेल्या ४१ वर्षांत भारतीय पंतप्रधानांची ही पहिली ऑस्ट्रिया भेट असेल. ते ऑस्ट्रियाचे अध्यक्ष अलेक्झांडर व्हॅन डेर बेलेन यांची भेट घेतील आणि ऑस्ट्रियाचे चान्सलर कार्ल नेहमर यांच्याशी चर्चा करतील.
SCO Summit : दहशतवादाचे समर्थन करणाऱ्या देशांना उघडे पाडावे – एस. जयशंकर
पंतप्रधान आणि चान्सलर भारतीय आणि ऑस्ट्रियाच्या आघाडीच्या उद्योजकांना संबोधित करतील. पंतप्रधान मॉस्को आणि व्हिएन्ना येथील भारतीय समुदायाच्या सदस्यांशी देखील संवाद साधतील.
