मुंबई – भारत विरुद्ध ऑस्ट्रेलिया चार मॅचेसची टेस्ट सिरीज लवकरच सुरु होणार आहे. ऑस्ट्रेलिया भारत टेस्ट मॅचेसची नेहमीच क्रिकेटप्रेमींना उत्सुकता असते. नऊ फेब्रुवारीपासून सुरु होणाऱ्या या टेस्ट सिरीजकडे सर्वांचे लक्ष लागले आहे. भारतीय टीम सध्या चांगलीच फॉर्मात असली तरी ऑस्ट्रेलिया विरोधातील टेस्ट सिरींजचे आव्हान काहीसं वेगळं असणार आहे. या टेस्ट सीरिजसाठी पंतप्रधान नरेंद्र मोदी उपस्थित राहणार असल्याची सध्या चर्चा आहे.
‘बॉर्डर गावस्कर ट्रॉफी’ दरम्यान होणारे हे चारही टेस्ट सामने दोन्हही देशांसाठी प्रतिष्ठेचा विषय असणार आहे. यानिमित्त भारत ऑस्ट्रेलियादरम्यान होणाऱ्या चौथ्या सामन्यादरम्यान पंतप्रधान नरेंद्र मोदी उपस्थित राहणार असल्याचे वृत्त एका स्पोर्ट वृत्त साईटने प्रसारित केले आहे.पंतप्रधान मोदींसह या सामन्यासाठी ऑस्ट्रेलियन पंतप्रधान ॲन्थनी अलबानीस हे देखील हजेरी लावणार असल्याचे समजते.
बॉर्डर गावस्कर ट्रॉफीचा हा चौथा टेस्ट सामना अहमदाबादच्या नरेंद्र मोदी स्टेडियममध्ये पार पडणार आहे. पुढील महिन्यात म्हणजेच ९ मार्चपासून हा सामना सुरु होईल. या स्टेडियमला पंतप्रधान मोदींचे नाव दिल्यानंतर पहिल्यांदाच पंतप्रदान मोदी या मैदानात येणार आहेत.
बॉर्डर गावस्कर ट्रॉफी ही मालिका दोन्हही देशांसाठी महत्वाची आहे. ऑस्ट्रेलियन टीम भारतात येणार असल्यामुळे भारतीय टीम समोर हे मोठं आव्हान असणार आहे. 9 फेब्रुवारी रोजी पहिली टेस्ट मॅच नागपूर येथे खेळली जाणार असून उर्वरित मॅचेस दिल्ली,धर्मशाळा आणि अहमदाबादमध्ये होणार आहेत.
