Girish Bapat Passes Away : महाराष्ट्र भाजपचे बडे नेते गिरीश बापट यांचे आज प्रदीर्घ आजाराने पुण्यात निधन झाले. त्यांचे पार्थिवावर सायंकाळी ७ वाजता अंत्यसंस्कार करण्यात येणार आहेत. बापट यांच्या निधनामुळे सर्वच राजकीय पक्षांकडून शोक जाहीर करण्यात आलाय. देशाचे पंतप्रधान नरेंद्र मोदी यांनी देखील गिरीश बापट यांच्या निधनानंतर ट्विट करत शोक व्यक्त केला आहे.
पंतप्रधान नरेंद्र मोदींची गिरीश बापटांना श्रद्धांजली
“गिरीश बापटजी हे एक नम्र आणि कष्टाळू नेते होते, ज्यांनी समाजाची तळमळीने सेवा केली. त्यांनी महाराष्ट्राच्या विकासासाठी मोठ्या प्रमाणावर काम केले आणि विशेषत: पुण्याच्या विकासात त्यांचा मोठा हात आहे. त्यांचे निधन दुःखद आहे. त्यांच्या कुटुंबियांच्या आणि समर्थकांप्रती माझ्या संवेदना. ओम शांती.”
महाराष्ट्रात भाजपला बळकटी देणारा नेता | Girish Bapat Passes Away
“गिरीश बापट यांनी महाराष्ट्र भाजपच्या उभारणीत आणि राज्यात पक्षाला बळकटी देण्यात महत्त्वाची भूमिका बजावली. लोककल्याणाचे प्रश्न मांडणारे आणि सतत सामान्य जनतेच्या संपर्कात असणारे नेते म्हणून त्यांची ओळख आहे. महाराष्ट्राच्या मंत्रिमंडळात त्यांनी आपली छाप सोडली आणि नंतर पुण्याचे खासदार म्हणूनही त्यांनी ठसा उमटवला. त्याचे कार्य अनेकांना प्रेरणा देत राहील.“
Shri Girish Bapat Ji was a humble and hardworking leader who served society diligently. He worked extensively for the development of Maharashtra and was particularly passionate about Pune’s growth. His passing away is saddening. Condolences to his family and supporters. Om Shanti pic.twitter.com/17M0XpcwpF
— Narendra Modi (@narendramodi) March 29, 2023