वर्कशॉप फोडून 70 हजारांचा ऐवज पळवला

पिंपरी – वर्कशॉपचा कडी-कोयंडा तोडून वर्कशॉपमधील 70 हजार रुपयाचे साहित्य चोरुन नेल्याचा प्रकार समोर आला आहे. ही घटना मोशी प्राधिकरण येथील सेक्‍टर नं. 6 येथे दि. 22 मे ते 24 मे दरम्यान घडली. याप्रकरणी शरद गोविंद सुर्यवंशी (वय-39) यांनी देहूरोड पोलीस ठाण्यात फिर्याद दिली आहे. त्यानुसार अज्ञात चोरट्याविरोधात गुन्हा दाखल करण्यात आला आहे.

याबाबत पोलिसांनी दिलेल्या माहितीनुसार, फिर्यादी यांचे मोशी प्राधिकरण येथील सेक्‍टर नं. 6 येथे वर्कशॉप आहे. दि. 22 मे रोजी ते वर्कशॉप बंद करुन बाहेरगावी गेले असता अज्ञात चोरट्यांनी त्यांच्या वर्कशॉपचे कडी-कोयंडा तोडून आतमधील टूल-बॉक्‍स, हॅंड ड्रिल मशिन, लॅपटॉप व मोबाईल असा 70 हजार रुपयाचा ऐवज चोरुन नेला. दि. 24 मे रोजी सूर्यवंशी वर्कशॉपवर परत आल्यानंतर प्रकार समोर आला.

डिजिटल प्रभातचे टेलिग्राम जॉईन करण्यासाठी येथे क्लिक करा

You might also like

Leave A Reply

Your email address will not be published.