Pimpri : घरातील देव्हाऱ्याखाली सापडला ‘गावठी दारू’चा मोठा साठा; तीन महिलांवर गुन्हा

पिंपरी – देव्हाऱ्याखाली लपवून ठेवलेली बावीसशे लिटर गावठी दारू पोलिसांनी छापा मारून जप्त केले. सामाजिक सुरक्षा विभागाने सोमवारी (दि. 8) रात्री ही कारवाई केली. याप्रकरणी तीन महिलांवर गुन्हा दाखल करण्यात आला आहे.

वरिष्ठ पोलीस निरीक्षक विठ्ठल कुबडे यांनी दिलेल्या माहितीनुसार, सामाजिक सुरक्षा विभागाचे कर्मचारी हद्दीत गस्त घालत असताना दत्तवाडी, नेरे येथे आरोपी महिला हिने घरात दारूसाठा करून ठेवल्याची माहिती त्यांना मिळाली. त्यानुसार, पथकाने छापा मारून देव्हाऱ्याखाली लपवून ठेवलेले दारूचे बॅरल जप्त केले.

दारूसाठा करण्यासाठी आरोपी मारवाडी हिने घरातच एक टाकी बांधली होती. याबाबत पोलिसांना संशय येऊन नये यासाठी टाकीत प्रवेश करण्याच्या ठिकाणी देवाचे फोटो असलेल्या देव्हारा ठेवला होता. मात्र, पोलिसांकडे खबर पक्की असल्याने आरोपी महिलेचे बिंग फुटले.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

You might also like

Leave A Reply

Your email address will not be published.