पिंपरी : फ्लिपकार्ट कंपनीत डिलिव्हरी बॉय म्हणून काम करणार्‍या व्यक्तीने त्याच्याकडे दिलेल्या पार्सलमधील वस्तू काढून त्यामध्ये बनावट वस्तू पॅक करून त्या कंपनीला परत केल्या. यामध्ये कंपनीची तीन लाख 74 हजार 182 रुपयांची फसवणूक झाली.
ही घटना 6 ते 13 नोव्हेंबर 2024 या कालावधीत शिंदेवस्ती मारुंजी येथे घडली.स्वप्नील साहेबराव सायकर (29, वाकड) यांनी शनिवारी (दि.19 ) हिंजवडी पोलीस ठाण्यात फिर्याद दिली आहे. त्यानुसार पवन प्रल्हाद लोखंडे (रा.नेरे. ता. मुळशी) याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपी पवन लोखंडे याच्याकडे डिलिव्हरी साठी दिलेल्या पार्सलमधून तीन लाख 74 हजार 182 रुपये किमतीचे एकूण 11 पार्सल मधील वस्तू काढून घेतल्या. त्यामध्ये बनावट वस्तू पॅक करून ते पार्सल कंपनीला परत केले. हा प्रकार कंपनीने केलेल्या तपासणीत उघडकीस आला. त्यानंतर पवन लोखंडे विरोधात गुन्हा दाखल करण्यात आला आहे
