पणजी : आशियातील सर्वात जुन्या चित्रपट महोत्सवाचे अर्थात “इफ्फी महोत्सव-2019” गोव्याच्या समुद्र किनाऱ्यावर सुरु झाला असून, यंदा या महोत्सवाचे हे 50 वे वर्ष आहे. या महोत्सवाचे गोव्यातील पणजी इथे बांबोलिम येथील श्यामाप्रसाद मुखर्जी स्टेडियममध्ये आज (बुधवार) हा उद्घाटन सोहळा होणार आहे. 28 नोव्हेंबरपर्यंत हा महोत्सव चालणार आहे.
या शानदार महोत्सवासाठी पणजी सज्ज झाली असून, उद्घाटन समारंभाला प्रसिद्ध अभिनेते ‘अमिताभ बच्चन’ आणि या महोत्सवाचे ‘आयकॉन ऑफ गोल्डन ज्युबली ॲवॉर्ड’ या जीवनगौरव पुरस्काराचे मानकरी प्राख्यात अभिनेते ‘रजनीकांत’ उपस्थित झाले आहेत.