पाबळ : पाबळ येथील ग्रामीण रुग्णालयात सुरू असलेल्या समर्पित कोविड सेंटर साठी हवेतून ऑक्सिजन निर्माण करणारी यंत्रणा मिळणार असून यामुळे कोविड रुग्णांना स्थानिक ठिकाणी अक्सिजन व उपचार मिळणार आहेत.
भोसरीचे आमदार महेश लांडगे, नगरसेवक राहुल जाधव यांचे प्रयत्नातून ही यंत्रणा पाबळ कोविड सेंटर येथे येत्या महिन्याभरात सुरु होणार आहे, दरम्यान भोसरी येथील ऊर्जा दिशा बॉयलर्सचे अनोखी संगमनेरकर, मायक्रोटेक इंजिनियर्सचे धनाजी पवार यांचेसह एका सामाजिक उत्तरदायित्व ग्रुपचे (टी एल सी ग्रुप) सदस्य निखिल काळकुटे, औटे सर यांनी पाबळ ग्रामीण रुग्णालयाला भेट देऊन पाहणी केली.
यावेळी जिल्हा परिषद सदस्या सविता बगाटे,ग्राम पंचायत पाबळ चे सरपंच मारुती शेळके यांनी या ग्रुपचे स्वागत करून आवश्यक ती मदत देण्याचे आश्वासन दिले.