Pankaja Munde । लोकसभा निवडणुकीत भाजप नेत्या पंकजा मुंडे यांचा पराभव झाला. त्यानंतर त्यांच्या कार्यकर्त्यांमध्ये प्रचंड नाराजी पसरली होती. दरम्यान, काही समर्थकांनी आत्महत्यादेखील केल्या होत्या. हे सगळं वातावरण असताना परभणीच्या जिंतूर तालुक्यातील एका तरुणाने भाजप नेत्या पंकजा मुंडे यांच्याबाबत सोशल मीडियावर आक्षेपार्ह कमेंट केल्यामुळे वाद निर्माण झाला. याच्या निषेधार्थ ओबीसी समाजाच्या वतीनं जिंतूर बंदची हाक देण्यात आलीय.
जिंतूरच्या सर्व बाजारपेठात कडकडीत बंद Pankaja Munde ।
आज सकाळी आठ वाजल्यापासून जिंतूर शहरातील सर्व बाजारपेठा कडकडीत बंद ठेवण्यात आल्या आहेत. कमेंट करणारा तरुण हा अल्पवयीन असून त्याच्यावर जिंतूर पोलीस ठाण्यात गुन्हा दाखल करण्यात आलाय. पोलिसांनी त्याला ताब्यात घेतलंय. सध्या जिंतूरमध्ये शांतता असून मोठा पोलीस बंदोबस्त तैनात करण्यात आलाय.
लोकसभा निवडणुकांचे निकाल जाहीर झाल्यानंतर बीडमध्ये पंकजा मुंडेंच्या आक्षेपार्ह्य पोस्टनंतर बीडमध्ये तणावाचं वातावरण निर्माण झालं होतं. बीड जिल्ह्यातील अनेक गावांनी याच्या निषेधार्थ बंदची हाक दिली होती. बीड, पाथर्डी, वडवणी, शिरुर यांसारख्या अनेक गावांनी बंदची हाक दिली होती. आता अशातच पुन्हा एकदा परभणीमध्ये एका तरुणानं सोशल मीडियावर एका पोस्टवर आक्षेपार्ह कमेंट केली आहे. पंकजा मुंडेंबाबत ही आक्षेपार्ह कमेंट करण्यात आली आहे. याचेच पडसाद परभणीच्या जिंतूरमध्ये उमटले आहेत. ओबीसी समाजाच्या वतीनं आज जिंतूर बंदची हाक देण्यात आलीय.
आक्षेपार्ह पोस्ट, तणावाचं वातावरण Pankaja Munde ।
लोकसभा निवडणुकीत बीडमध्ये अत्यंत चुरशीच्या लढतीत भाजप नेत्या पंकजा मुंडेंना पराभवाचा सामना करावा लागला. मराठा आंदोलनामुळे हिंसेची धग बसलेल्या बीड लोकसभा मतदारसंघात शरद पवारांच्या राष्ट्रवादी काँग्रेसकडून बजरंग सोनवणे यांनी दणदणीत विजय मिळवला. पण, परळीमध्ये पंकजा मुंडे यांना 74 हजार 834 मतांची आघाडी मिळाल्याचं पाहायला मिळालं.
