मुंबई – मराठी अभिनेत्री पल्लवी पाटील अभिनय क्षेत्रासोबतच समाजसेवेतही सक्रिय असते. ती नेहमीच वेगेगळ्या संस्थांसोबत राहून समाजकार्यात आपला खारीचा वाटा उचलत असते. महाराष्ट्रातल्या वेगवेगळ्या समाजसेवी संस्थांसोबत काम करणाऱ्या पल्लवीने नुकताच आपला वाढदिवस मुंबईतल्या अनाथ मुलांसह साजरा केला. काही दिवसांपूर्वीच तिचा ट्रिपल सीट हा चित्रपट प्रदर्शित झाला आहे.
पल्लवी पाटील सांगते, “मी जळगाव आणि पुण्याजवळच्या सामाजिक संस्थांमध्ये जाऊन कार्य करत असल्याने माझ्या वाढदिवशी मी ब-याचदा तिथे किंवा मग आई-वडिलांसोबत गावी असते. पण यंदा पहिल्यांदाच मी कामानिमित्ताने मुंबईत असल्याने माझा वाढदिवस मी मुंबईतल्या एका सामाजिक संस्थेतल्या मुलांसोबत साजरा करायचा ठरवला.”