पाकची अण्वस्त्रे ही ईद साठी नक्कीच ठेवलेली नसतील – मेहबूबा मुफ्ती
श्रीनगर – लोकसभा निवडणुकीच्या पार्श्वभूमीवर सत्ताधारी आणि विरोधक यांच्यामध्ये जोरदार आरोपांची खडाजंगी होत आहे. पंतप्रधान नरेंद्र मोदी यांनी राजस्थान मधील बाडमेर येथील जाहीर सभेत पाकिस्तनाला चांगलाच दम दिला होता. आमच्याकडील अण्वस्त्रे आम्ही दिवाळीसाठी ठेवलेली नाहीत, अशा शब्दांत पंतप्रधान नरेंद्र मोदी यांनी पाकिस्तानला इशारा दिला होता. त्यानंतर नरेंद्र मोदी यांच्या या वक्तव्यावर प्रतिक्रिया देताना जम्मू काश्मीरच्या माजी मुख्यमंत्री आणि पीडीपीच्या अध्यक्षा मेहबूबा मुफ्ती यांनी, पाकिस्तानकडील अण्वस्त्रे ही ईद साठी नक्कीच ठेवलेली नसतील, असे म्हंटले आहे.
Mehbooba Mufti, PDP on PM Modi's remark, 'Every other day they (Pakistan) used to say "We've nuclear button, we've nuclear button"…..What do we have then? Have we kept it for Diwali?': Jo Pakistan ke pass honge, vo bhi Eid ke liye nahi rakhe honge. Yeh hisaab baraabar hota hai. pic.twitter.com/disWzMy8f3
— ANI (@ANI) April 22, 2019
राजस्थान मधील बाडमेर येथील जाहीर सभेत बोलताना नरेंद्र मोदी यांनी, पाकिस्तान हा नेहमीच भारताला त्यांच्याकडे असलेल्या अण्वस्रांची धमकी देत आला आहे. मात्र आता आम्ही अशा धमक्यांना घाबरत नसल्याचे सांगून, आमच्याकडील अण्वस्त्रे आम्ही दिवाळीसाठी राखून ठेवलेली नाहीत, अशा शब्दांत पंतप्रधान नरेंद्र मोदी यांनी पाकिस्तानला इशारा दिला होता. त्यानंतर आज मेहबूबा मुफ्ती यांनी नरेंद्र मोदींच्या या वक्तव्यावर विरोध दर्शवत, पाकिस्तानकडे जी अण्वस्त्रे आहेत ती ईद साठी नक्कीच ठेवलेली नसतील, असे म्हणत हिशोब चुकता होतो असे म्हंटले आहे.