पी. चिदंबरम यांनी केले मोदी सरकारच्या निर्णयाचे स्वागत

नवी दिल्ली: कोरोना व्हायरस संकटाच्या पार्श्वभूमीवर मोदी सरकारने जाहीर केलेल्या एक लाख 70 हजार कोटी रुपयांच्या मदत पॅकेजचे देशाचे माजी अर्थमंत्री आणि कॉंग्रेस नेते पी. चिदंबरम यांनी स्वागत केले आहे. कॉंग्रेस नेते चिदंबरम यांनी ट्विट केले की, सरकारने आर्थिक कृती आराखडा जाहीर केल्याचा मला आनंद झाला. सरकारने जाहीर केलेल्या योजनेत काल मी माझ्या 10 कलमी कृती आराखड्यात मांडलेले मुद्द्यांचा समावेश आहे. मी या मदत पॅकेजचे स्वागत करतो.

माजी अर्थमंत्री ट्वीट करून म्हणाले, ‘योजना स्वतः पूर्ण होत नाही. त्यांना आणखी बरेच काही करण्याची आवश्यकता असल्याचे लवकरच सरकारला समजेल. मदत पॅकेजमध्ये गरिबांना अतिरिक्त तीन महिने धान्य दिले जात आहे, हे स्वागतार्ह आहे. तथापि, या योजनेत गरीबांना आर्थिक फायदा होईल असे काहीही नाही. सरकारच्या योजनेत काही विभागांचा समावेश केलेला नाही.

चिदंबरम म्हणाले, ‘आमचा अंदाज आहे की देण्यात आलेल्या अतिरिक्त रकमेमध्ये अन्नधान्याच्या किंमतींचा समावेश आहे, सुमारे एक लाख कोटी. ते आवश्यक होते परंतु पुरेसे नाही. तुमच्या लक्षात येईल की रोजगार, कर, ईएमआय आणि जीएसटी दर कपातीसारख्या शेतकऱ्यांना फायदा होण्याच्या सरकारच्या योजनेत काहीही नाही. आशा आहे की सरकार लवकरच या गोष्टींबद्दल एक दुसरे पॅकेज सादर करेल.

You might also like

Leave A Reply

Your email address will not be published.