Donald Trump – होर्मूझची सामुद्रधुनी खुली करण्यासाठी अमेरिकेचे अध्यक्ष डोनाल्ड ट्रम्प यांनी इराणला ४८ तासांची मुदत दिली आहे. दिनांक ६ एपरिलपर्यंत होर्मूझची सामुद्रधुनी खुली न केल्यास विनाशकारी परिणामांना सामोरे जावे लागेल, असे ट्रम्प यांनी सोशल मीडियावरच्या पोस्टमध्ये म्हटले आहे. मी इराणला करार करण्यासाठी आणि होर्मूझची सामुद्रधुनी खुली करण्यासाठी १० दिवसांची मुदत दिली होती. याची आठवण असूद्या. आता वेळ निघून जाते आहे. त्यांच्यावर नरक कोसळण्याला आता केवळ ४८ तास शिल्लक राहिले आहेत, असे ट्रम्प यांनी सोशल मीडियावरच्या पोस्टमध्ये म्हटले आहे. US Israel Iran War: शनिवारी सकाळी व्हाईट हाऊसमध्ये ट्रम्प यांनी हा इशारा दिला आहे. ट्रम्प यांनी यापुर्वी देखील इराणला होर्मूझची सामुद्रधुनी खुली करण्यासाठी आगोदर २४ तासांची मुदत दिली होती. मात्र इराणशी समादानकारक चर्चा सुरू असल्याचे सांगून त्यांनीच ही मुदत वाढवून ५ दिवसांची मुदत दिली होती. होर्मूझची सामुद्रधुनी सागरी वाहतुकीसाठी बंद असल्याने जागतिक पातळीवर तेलाचे संकट अधिक गडद झाल्यामुळे आता त्यांच्याकडून निर्वाणीचा इशारा दिला गेला असल्याचे संकेत मिळत आहेत.