Omar Abdullah on Aap । दिल्ली विधानसभा निवडणुकीची मतमोजणीचे कल आता समोर येत आहेत. दरम्यान , समोर आलेल्या निकालाच्या कलानुसार आम आदमी पक्षाला मोठा धक्का बसला आहे. कारण मतमोजणीमध्ये भाजपाने जोरदार मुसंडी मारली. भाजपा स्पष्ट बहुमत मिळणार असल्याचे स्पष्ट दिसून येत आहेत. दरम्यान, निवडणुकीआधी इंडिया आघाडीत असलेले दोन प्रमुख पक्ष ‘आप’ आणि काँग्रेसने स्वबळावर निवडणूक लढविण्याचा निर्णय घेतला होता. त्यानुसार इंडिया आघाडीतील इतर पक्षांनी अरविंद केजरीवाल यांना पाठिंबा दर्शवला.
“जी भर के लडो, समाप्त करतो एक दुसरे को” Omar Abdullah on Aap ।
लोकसभेत एकत्र निवडणूक लढविणारे ‘आप’ आणि काँग्रेस विधानसभा निवडणुकीत मात्र एकमेकांचे अप्रत्यक्षपणे शत्रू बनले होते . यावरून आता जम्मू आणि काश्मीरचे मुख्यमंत्री ओमर अब्दुल्ला यांनी सोशल मीडियावर खोचक पोस्ट केली आहे. भाजपा आघाडीवर गेल्यानंतर ओमर अब्दुल्ला यांनी एक मिम शेअर केले आहे. महाभारतातील एका साधूचा व्हिडीओ शेअर केला आहे. “जी भर के लडो, समाप्त करतो एक दुसरे को”, असा संवाद मिममधील साधू बोलताना दिसत आहेत. तर ओमर अब्दुल्ला यांनी या व्हिडीओच्या कॅप्शनमध्ये लिहिले की, ‘और लढो आपस मै’. या कॅप्शनवरून ओमर अब्दुल्ला यांनी आप आणि काँग्रेस यांच्या संघर्षाबद्दल भाष्य केले.
Aur lado aapas mein!!! https://t.co/f3wbM1DYxk pic.twitter.com/8Yu9WK4k0c
— Omar Abdullah (@OmarAbdullah) February 8, 2025
दिल्ली विधानसभा निवडणूक महत्वाची Omar Abdullah on Aap ।
दिल्ली विधानसभा निवडणूक ही अनेक अर्थांनी महत्त्वाची ठरणार आहे. दिल्लीची सत्ता आपने गमावल्यास त्यांना मोठा धक्का बसू शकतो. तर काँग्रेससाठीही ही मोठी नामुष्की असेल. गेल्या काही वर्षांत हरियाणा, महाराष्ट्र, छत्तीसगड, मध्य प्रदेश, राजस्थान या राज्यांत काँग्रेसचा दारूण पराभव झाला आहे. भाजपाने गेल्या २७ वर्षांत दिल्लीत विजय मिळवलेला नाही. उत्तर भारतातील फक्त दिल्ली हेच राज्य असे आहे, जिथे २०१४ नंतर भाजपाला यश मिळालेले नाही.
