Mohammad Siraj – भारताचा सध्याचा भन्नाट फॉर्ममध्ये असलेला स्टार गोलंदाज मोहम्मद सिराज दमदार कामगिरी करत आहे. त्याच्या जबरदस्त कामगिरीमुळे भारताला नेहमीच भासणारी वेगवान गोलंदाजांची कमी आता दिसून येत नाही. त्याने मागील काही सामन्यांमध्ये टीम इंडियासाठी अत्यंत मोक्याच्या क्षणी संघाला यश मिळवून दिले आहे . श्रीलंकेविरुद्ध भारताने ३ सामन्यांची मालिका ३-० अशी निर्विवाद अशी जिंकली. या मालिकेत भारतीय गोलंदाजीत सिराजच्या कामगिरीत कमालीचा बदल पाहायला मिळाला. त्याने गोलंदाजी करताना आपलूं लाईन आणि लेंथबाबत होणाऱ्या चुका टाळल्या. त्यामुळे सिराज आता संघासाठी एक प्रमुख एक्का बनला आहे.
दरम्यान, मोहम्मद सिराजने एक जबरदस्त विक्रम आपल्या नावावर केला आहे. त्याने श्रीलंकेविरुद्धचा फॉर्म कायम ठेवत न्यूझीलंडच्या फलंदाजांनाही चांगलेच अडचणीत आणले. त्याने पहिल्या एकदिवसीय सामन्यात ४ बळी घेतले होते. तर दुसऱ्या सामन्यात त्याने ६ षटकांत १० धावा खर्च करून १ गडी बाद केला. यावेळी त्याने एक षटक हे निर्धावदेखील टाकले होते. त्यामुळे सिराज हा २०२२पासून आतापर्यंत सर्वाधिक निर्धाव षटके टाकणारा गोलंदाज ठरला आहे.
सिराजने २०२२ नंतरच्या काळात सर्वाधिक १७ निर्धाव षटके टाकण्याचा विक्रम रचला आहे. त्यानंतर दुसऱ्या क्रमांकावर ऑस्ट्रेलियाचा जोश हेझलवूड असून त्याने १४ निर्धाव षटके टाकली आहेत. तर १० निर्धाव षटकांसह न्यूझीलंडचा ट्रेंट बोल्ट तिसऱ्या क्रमांकावर आहे. मोहम्मद सिराजसाठी ही खूप मोठी उपलब्धी असून तो येणाऱ्या काळात भारतीय संघासाठी प्रमुख गोलंदाज बनेल.
आयसीसीच्या एकदिवसीय गोलंदाजांच्या क्रमवारीत मोहम्मद सिराज सध्या तिसऱ्या स्थानावर आला आहे. त्याच्या कामगिरीतील सातत्यामुळे त्याला या स्थानावर पोहोचता आले आहे. सध्या त्याच्या नावावर ६८५ एवढे गुण आहेत. या यादीत पहिल्या स्थानावर ७३० गुणांसह न्यूझीलंडचा ट्रेंट बोल्ट आहे. तर दुसऱ्या क्रमांकावर ७२७ गुणांसह ऑस्ट्रेलियाचा जोश हेझलवूड आहे. त्यामुळे मोहम्मद सिराजला जगातील अव्वल क्रमांकाचा गोलंदाज बनण्यासाठी मोठी मेहनत घ्यावी लागणार आहे.
Mohammad Siraj reach his best ICC ODI Ranking.
At moment Siraj on 3rd position in the ranking.
Hopefully Soon Siraj reach top of the ICC ODI Ranking.#ICCRankings#MohammedSiraj pic.twitter.com/JzBvhmoqv5— Surinder (@navsurani) January 20, 2023