Congress Mla : देशातील १० राज्यांमधील ३७ राज्यसभेच्या जागांसाठी निवडणुका होत असून १६ मार्च रोजी मतदान होणार आहे. मात्र या निवडणुकीआधीच ओडिसामधील काँग्रेसचे सहा आमदार नॉट रिचेबल झाल्याने राजकीय वर्तुळात मोठी खळबळ उडाली आहे. मिळालेल्या माहितीनुसार हे सहा आमदार गुरुवारी रात्री बेंगळुरूला पोहोचले असून त्यांना एका फार्महाऊसमध्ये ठेवण्यात आल्याची माहिती समोर आली आहे. या आमदारांमध्ये यामध्ये आमदार अशोक कुमार दास, प्रफुल्ल चंद्र प्रधान, पबित्रा सौटा, कद्रका अप्पाला स्वामी, राजेन एक्का आणि सत्यजित गोमांगो यांचा समावेश आहे.Congress Mla सूत्रांच्या माहितीनुसार कर्नाटकचे उपमुख्यमंत्री शिवकुमार यांनी या आमदारांना बोलावून घेतल्याची चर्चा आहे. दरम्यान, या आमदारांचा संपर्क होत नसल्याने पक्षामध्ये संभ्रमाचे वातावरण निर्माण झाले आहे.Congress Mla याबाबत प्रतिक्रिया देताना काँग्रेस आमदार सोफिया फिरदौस म्हणाल्या की, काही आमदार राज्याबाहेर गेल्याची माहिती त्यांना माध्यमांमधून मिळाली आहे. मात्र याबाबत त्यांना अधिकृत माहिती नसल्याने त्या कोणतीही प्रतिक्रिया देऊ शकत नसल्याचे त्यांनी स्पष्ट केले. १६ मार्च रोजी होणाऱ्या राज्यसभा निवडणुकीसाठी सर्व आमदारांना भुवनेश्वर येथे उपस्थित राहण्याचे व्हीप जारी करण्यात आले होते. तरीही काही आमदार अचानक राज्याबाहेर गेल्याने राजकीय चर्चांना उधाण आले आहे.Congress Mla Congress दरम्यान, क्रॉस व्होटिंग रोखण्यासाठी काँग्रेसने हे पाऊल उचलल्याचीही चर्चा राजकीय वर्तुळात रंगली आहे. यापूर्वीही डी. के. शिवकुमार यांनी क्रॉस व्होटिंगच्या भीतीमुळे महाराष्ट्र आणि गुजरातमधील काँग्रेस आमदारांना बेंगळुरूजवळील रिसॉर्टमध्ये ठेवले होते. ओडिशातील राज्यसभा गणित Congress Mla ओडिशा विधानसभेत एकूण १४७ आमदार आहेत. त्यापैकी भाजपकडे ७९ आमदारांचा पाठिंबा आहे, तर बीजू जनता दलाकडे ५० आणि काँग्रेसकडे १४ आमदार आहेत. राज्यसभेच्या चौथ्या जागेसाठी कोणत्याही पक्षाकडे स्पष्ट बहुमत नसल्याने क्रॉस व्होटिंग होण्याची शक्यता व्यक्त केली जात आहे.