मुंबई : उद्या राज्यात विधानसभेसाठी मतदान होत आहे. तुम्ही मतदार असाल आणि तुमच्याकडे मतदानकार्डच नसेल तर घाबरून जाण्याची काहीच गरज नाही. कारण मतदान केंद्रावर स्वतःची ओळख पटविण्यासाठी आवश्यक ओळखपत्रांची यादी निवडणूक आयोगाने जाहीर केली आहे. निवडणूक आयोगाचे मतदार ओळखपत्र (EPIC) नसल्यास पुढील १० पैकी कोणताही एक पुरावा ओळख पटविण्यासाठी ग्राह्य धरण्यात येणार आहे.
मतदाराची ओळख पटविण्यासाठी पर्यायी 10 पुरावे :-
1) आधारकार्ड,
2) पॅनकार्ड,
3) ड्रायव्हिंग लायसेन्स (वाहन चालक परवाना),
4) पासपोर्ट (पारपत्र),
5) राज्य/केंद्र शासन, सार्वजनिक उपक्रम, सार्वजनिक मर्यादित कंपन्यांचे कर्मचारी असल्यास छायाचित्र असलेले कर्मचारी ओळखपत्र,
6) छायाचित्र असलेले बँकांचे/टपाल कार्यालयाचे पासबुक,
7) राष्ट्रीय लोकसंख्या नोंदणी (नॅशनल पॉप्युलेशन रजिस्ट्रेशन) अंतर्गत महसूल निर्मिती निर्देशांक (रेव्हेन्यू जनरेशन इंडेक्स) द्वारे दिलेले स्मार्टकार्ड,
8) मनरेगा जॉबकार्ड,
9) कामगार मंत्रालयाने दिलेले आरोग्य विमा स्मार्टकार्ड,
10) छायाचित्र असलेले निवृत्तीवेतन दस्तावेज (पीपीओ).
वरीलपैकी कुठलेही एक ओळखपत्र तुम्ही मतदान केंद्रावर घेऊन जाणे आवश्यक आहे.