देशात काय स्वस्त, काय महाग होणार ? ; वाचा अर्थसंकल्पातील संपूर्ण यादी

Nirmala Sitharaman । केंद्रीय अर्थमंत्री निर्मला सीतारामन यांनी संसदेत केंद्रीय अर्थसंकल्प सादर केले. लोकसभा निवडणुकीनंतर मोदी 3.0 सरकारचा हा पहिलाच अर्थसंकल्प आहे. त्यामुळेच यावेळच्या अर्थसंकल्पाकडे सर्वांचे लक्ष लागलं. यावेळी सरकारकडून शेती, तसेच शेतीपुरक क्षेत्रासाठी 1.52 लाख कोटी रुपयांची तरतूद करण्यात आली आहे, असे निर्मला सीतारामन म्हणाल्या.

केंद्र सरकारकडून 20 लाख तरुणांना रोजगार देण्यासाठी प्रयत्न केला जाणार असल्याची माहिती निर्मला सीतारामन यांनी दिली. अर्थसंकल्पीय भाषणात अर्थमंत्र्यांनी उच्च शिक्षणासाठी 10 लाख रुपयांपर्यंतच्या कर्जासाठी सरकारकडून आर्थिक मदत जाहीर केली. कर्मचाऱ्यांमध्ये महिलांचा सहभाग वाढवणं याला प्राधान्य असेल, अशी घोषणा अर्थमंत्र्यांनी केली.  त्यासोबतच त्यांनी देशात कोणत्या वस्तू स्वस्त आणि कोणत्या महाग झाल्या याविषयी माहिती दिली.

काय स्वत होणार? Nirmala Sitharaman ।
* सोनं, चांदी स्वस्त होणार
* मोबाईल हँडसेट
* मोबाईल चार्जरच्या किंमती 15 टक्क्यांनी कमी होणार
* मोबाईलचे सुटे भाग
* कॅन्सरवरची औषधे
* पोलाद, तांबे उत्पादनावरील प्रक्रियेवर करसवलत
* लिथियम बॅटरी स्वस्त
* इलेक्ट्रीक वाहने स्वस्त होणार
* सोलार सेट स्वस्त होणार
* चामड्यांपासून बनणाऱ्या वस्तू
* पीवीसी फ्लेक्स बॅनर

काय महाग होणार? Nirmala Sitharaman ।
* प्लास्टीक उद्योगांवर करांचा बोझा वाढणार
* प्लास्टीक उत्पादने महाग होणार