Pankaja Munde Son Aryaman Munde: बीड जिल्ह्यातील भगवान भक्ती गडावर भाजप नेत्या पंकजा मुंडे यांचा दसरा मेळावा पार पडला. यावेळी त्यांनी उपस्थित लाखों जनतेला संबोधित केले. तसेच त्यांचा मुलगा आर्यमन याची उपस्थित सर्वांना ओळख करुन दिली. यानंतर राजकीय वर्तुळात गोपीनाथ मुंडेंची तिसरी पिढी राजकारणात उतरणार अशी चर्चा सुरु झाली आहे.
भगवान भक्तीगडावरील दसरा मेळाव्यात पंकजा मुंडेंचा मुलगा आर्यमान देखील व्यासपीठावर उपस्थित होता. पंकजा मुंडे यांनी आपल्या मुलाला आवर्जून जवळ बोलावून घेतले. आर्यमानची ओळख पंकजा मुंडेंनी उपस्थितांना करुन दिली.
मुलाची ओळख करुन देताना भाजप नेत्या म्हणाल्या की, हा गोरा गोरा मुलगा कोण आहे. हा माझ्यापेक्षा फार उंच आहे. फार गोड आहे. माझा मुलगा आर्यमन आहे असं म्हणत पंकजा मुंडे यांनी पहिल्यांदाच मुलाची सर्वांना ओळख करुन दिली.
पंकजा मुंडे पुढे म्हणाल्या, आर्यमन भगवान बाबांच्या दर्शनाला आला आहे. तुम्हाला वाटत असेल मला आर्यमन जास्त प्रिय आहे. पण मी त्याला सांगितलं, तुझ्या पेक्षा माझी जनता मला प्रिय आहे. माझ्यावर जीएसटीचा छापा पडला. 12 कोटी या जनतेने भरले. माझा निकाल लागला. जीव दिला लेकरांनी. तुम्ही माझ्यावर जीव लावता की नाही, मुलीसारखं प्रेम करता की नाही. आता मला काही नाही पाहिजे, असं पकंजा मुंडे म्हणाल्या.
