पाटणा – माजी क्रिकेटपटू तथा काँग्रेस नेते नवजोत सिंग सिद्धू यांनी कटिहार लोकसभा मतदारसंघातील मुस्लिम मतदारांना, पंतप्रधान नरेंद्र मोदी यांना पंतप्रधान पदावरून हटवण्यासाठी मोदींविरोधात एकगठ्ठा मतदान करण्याचे आवाहन आज केले होते. त्यानंतर आज निवडणूक आयोगाने नवजोत सिंग सिद्धू यांना नोटीस बजावली आहे.
कटिहार लोकसभा मतदारसंघातील मुस्लिम मतदारांना संबोधित करताना, पंतप्रधान नरेंद्र मोदी यांच्याविरोधात मतदान करण्याचा सल्ला नवजोत सिंग सिद्धू यांनी दिला होता. मुस्लिम मतदारांना “तुम्ही अल्पसंख्यांक आहेत असा विचार करण्याची गरज नाही, कारण तुमची कटिहार लोकसभा मतदारसंघामधील संख्या ६२% आहे. त्यामुळे तुम्ही सर्वांनी मोदींविरोधात एकगठ्ठा मतदान करून त्यांना पाडायला हवे.” असे नवजोत सिंग सिद्धू बोलताना म्हणाले होते. त्यानंतर भारतीय जनता पक्षाचे नेते देवेश कुमार यांनी नवजोत सिंग सिद्धू यांच्या विरोधात निवडणूक आयोगाकडे तक्रार दाखल केली होती. आज निवडणूक आयोगाने नवजोत सिंग सिद्धू यांना नोटीस पाठवत २४ तासात उत्तर देण्यास सांगितले आहे.
Election Commission of India has issued a notice to Punjab Minister Navjot Singh Sidhu seeking an explanation within 24 hours for his remarks 'urging Muslims to not split votes,' made during a rally on 16 April in Katihar, Bihar. (File pic) pic.twitter.com/n2CT5VR3VO
— ANI (@ANI) April 20, 2019