Nasire Best White House shooter : अमेरिकेच्या व्हाईट हाऊसजवळ गोळीबाराची घटना घडली, ज्यामुळे यूएस सिक्रेट सर्व्हिसने एका संशयितावर गोळीबार केल्याची घटना घडली आहे. असोसिएटेड प्रेसच्या वृत्तानुसार,या घटनेत एक वाटसरूही जखमी झाला आहे. यूएस सिक्रेट सर्व्हिसच्या कम्युनिकेशन ऑफिसने एका ईमेल पोस्टमध्ये, “शनिवारी सायंकाळी ६ वाजल्यानंतर थोड्याच वेळात, एका व्यक्तीने आपल्या बॅकपॅकमधून शस्त्र काढून १७ व्या स्ट्रीट आणि पेनसिल्व्हेनिया अव्हेन्यूच्या परिसरात गोळीबार केला” असे म्हटले आहे. सिक्रेट सर्व्हिसच्या कर्मचाऱ्यांनी प्रत्युत्तर म्हणून गोळीबार केला, ज्यात संशयित जखमी झाला. त्याला परिसरातील रुग्णालयात नेण्यात आले, जिथे त्याला मृत घोषित करण्यात आले. गोळीबारादरम्यान, एक वाटसरूही गोळी लागून जखमी झाला. त्याची प्रकृती गंभीर आहे.” एफबीआयचे संचालक काश पटेल यांनी सोशल मीडियावर पोस्ट करत, गोळीबाराच्या वृत्तांना प्रतिसाद देत अधिकारी घटनास्थळी पोहोचत आहेत आणि माहिती उपलब्ध होताच अद्ययावत माहिती दिली जाईल. सिक्रेट सर्व्हिसने सांगितले की, त्यांना या घटनेची माहिती असून ते तपशिलांची पडताळणी करत आहेत. या ताज्या गोळीबाराच्या वेळी अध्यक्ष डोनाल्ड ट्रम्प व्हाईट हाऊसमध्ये उपस्थित होते. रॉयटर्सच्या वृत्तानुसार, एका कायद्याची अंमलबजावणी करणाऱ्या अधिकाऱ्याने सांगितले की, एक व्यक्ती व्हाईट हाऊसजवळील सुरक्षा तपासणी नाक्याजवळ आला आणि त्याने अधिकाऱ्यांवर गोळीबार केला. सुरक्षा कर्मचाऱ्यांनी प्रत्युत्तर म्हणून गोळीबार केला, ज्यात संशयित जखमी झाला. अधिकाऱ्याने सांगितले की, गोळी लागल्यानंतर संशयिताला रुग्णालयात नेण्यात आले. व्हाइट हाऊसमधील पत्रकारांनी अनेक गोळीबारांचे आवाज ऐकल्याचे सांगितले, ज्यामुळे त्यांनी तात्काळ परिसर रिकामा केला. गोळीबाराच्या दरम्यान, माध्यम प्रतिनिधींना ब्रीफिंग रूममध्ये हलवण्यात आले. एबीसी न्यूजच्या प्रतिनिधी सेलिना वांग यांनी शेअर केलेल्या व्हिडिओमध्ये, त्या रेकॉर्डिंग करत असताना अचानक थांबून लपताना दिसत आहेत. त्यांनी सांगितले की, त्यांना “अनेक गोळीबारांसारखा आवाज” ऐकू आला. या घटनेनंतर, संपूर्ण परिसर सील करण्यात आला आणि अधिकाऱ्यांनी लोकांना घटनास्थळापासून दूर राहण्याचे आवाहन केले. संशयित कोण होता? Nasire Best White House shooter : संशयिताची अधिकृत ओळख अद्याप जाहीर करण्यात आलेली नाही. मात्र, अनेक माध्यमांच्या वृत्तांनुसार संशयिताचे नाव नासिर बेस्ट आहे. हा कथित हल्लेखोर मेरीलँडचा २१ वर्षीय रहिवासी आहे. तो स्वतःला येशू ख्रिस्त असल्याचे मानत असल्याचे संग्न्येत येत आहे. रॉयटर्सशी बोलताना एका अधिकाऱ्याने सांगितले की, संशयित मानसिकदृष्ट्या अस्थिर मानला जात होता आणि त्याच्यासाठी यापूर्वीच घरात राहण्याचा आदेश लागू होता. अधिकाऱ्यांनी अद्याप संशयिताबद्दल किंवा गोळीबाराच्या सभोवतालच्या परिस्थितीबद्दल अधिक माहिती जाहीर केलेली नाही. व्हाईट हाऊसच्या आसपास झालेल्या गोळीबाराच्या घटनांमुळे हा परिसर यापूर्वीही चर्चेत आला होता. गेल्या महिन्यात, एका व्यक्तीवर राष्ट्राध्यक्ष ट्रम्प यांच्यावर हल्ला करण्याचा प्रयत्न केल्याचा आरोप होता. मे महिन्याच्या सुरुवातीला, वॉशिंग्टन मॉन्युमेंटजवळ झालेल्या गोळीबारानंतर पोलिसांनी एका व्यक्तीला गोळ्या घातल्या होत्या. या ताज्या घटनेचा तपास सध्या विविध यंत्रणा करत आहेत. शनिवारी व्हाईट हाऊसजवळ झालेल्या गोळीबारात अमेरिकेच्या सिक्रेट सर्व्हिसच्या एजंट्सनी एका संशयिताला ठार केले आणि एका वाटसरूला जखमी केले. या घटनेनंतर, व्हाईट हाऊस परिसर थोड्या काळासाठी लॉकडाऊनखाली ठेवण्यात आला होता, जो नंतर उठवण्यात आला. एएफपीच्या वृत्तानुसार, अमेरिकेचे राष्ट्राध्यक्ष डोनाल्ड ट्रम्प त्यावेळी व्हाईट हाऊसमध्ये इराणशी संबंधित चर्चा करत होते.
