Mumbai Hit And Run । मुंबईत पुन्हा एकदा ‘हिट अँड रन’चे प्रकरण समोर आले आहे. या भीषण अपघातात एका निष्पाप तरुणीचा बळी गेला आहे. वांद्रे पश्चिममध्ये हा अपघात झाला, यामध्ये एका तरुणीचा मृत्यू झाला आहे. शिवानी सिंह असे या अपघातात मॉडेलला आपला गमावावा लागला आहे. शिवानी मित्रासोबत बाईकने प्रवास करत असताना डंपरने दुचाकीला जोरदार धडक दिल्याने अपघात घडला.
मुंबईत पुन्हा ‘हिट अँड रन’चा थरार Mumbai Hit And Run ।
प्राप्त माहितीनुसार, मयत शिवानी सिंह तिच्या मित्राच्या दुचाकीवर मागे बसून प्रवास करत होती. रात्री आठ वाजेच्या सुमारास त्यांची दुचाकी वांद्रे पश्चिम येथील कलंत्री चौकात आली. यावेळी एका असता एका डंपरने त्यांच्या दुचाकीला धडक दिली. डंपरने दिलेल्या भीषण धडकेत शिवानीचा तोल गेला. या अपघातात शिवानी डंपरच्या चाकाच्या खाली आल्याने गंभीररीत्या जखमी झाली होती. यानंतर जखमी अवस्थेत स्थानिकांनी शिवानी आणि तिचा मित्र दोघांना भाभा रुग्णालयात दाखल केले. मात्र तिथे डॉक्टरांनी शिवानी सिंहला तपासून मृत घोषित केले. अपघातात शिवानीच्या मित्राचा पाय फॅक्चर झाला आहे. दरम्यान, डंपरचालक डंपर सोडून घटनास्थळावरून फरार झाला.
25 वर्षीय निष्पाप मॉडेल तरुणीचा बळी Mumbai Hit And Run ।
मृत शिवानी सिंह ही मॉडेल असून ती मालाड पश्चिम येथे वास्तव्यास आहे, ती चित्रपटसृष्टीत काम करते. शिवानी सिंहला नुकतंच इंडस्ट्रीमध्ये काम मिळण्यास सुरुवात झाली होती. नुकत्याच झालेल्या एका मोठ्या फॅशन विकमध्ये तिने सहभाग घेतला होता. तिचे करिअर कुठे सुरु झालं होतं आणि तिच्यावर काळाने घाला घातला. शिवानीच्या अपघाती मृत्यू झाल्याने तिच्या कुटुंबियांना आणि मित्रमंडळींना मोठा धक्का बसला आहे.पोलिसांकडून सध्या या प्रकरणाचा पुढील तपास सुरु आहे. टँकर जप्त करण्यात आला आहे. पोलीस सध्या सीसीटीव्ही फुटेज तपासत असून, लवकरच आरोपी टँकरचालकाला अटक केले जाईल. अशी माहिती अधिकाऱ्यांनी दिली आहे.
