काॅंग्रेस कार्यकर्त्यांनी पक्षाचे अध्यक्ष कमलनाथ यांच्या घराबाहेर हनुमान चालिसा पठण का केले ?

MP Election 2023: मध्य प्रदेश आणि राजस्थानमध्ये निवडणुकीची जोरदार तयारी सुरू आहे. याच दरम्यान, गेल्या अनेक दिवसांपासून काँग्रेस आणि भाजप कार्यकर्त्यांकडून निदर्शने सुरू आहेत. आपल्या नेत्यांना तिकीट न दिल्याने दोन्ही पक्षांचे कार्यकर्ते आणि नेत्यांचे समर्थक नाराजी व्यक्त करत आहेत.

मध्य प्रदेश काँग्रेस अध्यक्ष कमलनाथ यांच्या निवासस्थानाबाहेर पक्ष कार्यकर्त्यांनी अनेक जागांवर उमेदवार बदलण्यासाठी हनुमान चालिसाचे पठण केले. त्यांनी हुजूर जागेवरून उमेदवार बदलण्याची मागणी केली. पक्षाने येथून नरेश ग्यानचंदानी यांना उमेदवारी दिली आहे. एएनआय या वृत्तसंस्थेशी बोलताना काँग्रेस कार्यकर्ता विष्णू विश्वकर्मा यांनी सांगितले की, सर्वेक्षणाच्या आधारे तिकीट दिले गेले नाही.

VIDEO | Congress workers stage protest outside party leader Kamal Nath’s residence in Bhopal over the candidate fielded by party on Huzur seat for the upcoming Madhya Pradesh Assembly polls. pic.twitter.com/IVIf0Ef6Vb

— Press Trust of India (@PTI_News) October 24, 2023

राजस्थानमध्ये या जागांवर निदर्शने होत आहेत –
राजस्थानमध्ये भाजपची दुसरी यादी जाहीर झाल्यानंतर, समर्थक आणि तिकीटाचा दावा करणाऱ्या लोकांनी राजसमंद, उदयपूर, कोटा आणि श्रीगंगानगरसह अनेक ठिकाणी विरोध केला. राजसमंदच्या कुंभलगड मतदारसंघातून भाजपचे उमेदवार सुरेंद्रसिंग राठोड यांच्या विरोधात निदर्शने करत त्यांनी सांगितले की, जर त्यांच्या मागण्या पूर्ण झाल्या नाहीत तर ते अपक्ष उमेदवार म्हणून निवडणूक लढवतील.

पीटीआयशी बोलताना माजी जिल्हा परिषद सदस्य नथुलाल गुर्जर म्हणाले की, “ज्याने तिकीट देण्याचा निर्णय घेतला आहे त्यांना ग्राउंड लेवलची परिस्थिती माहित नाही.” श्री गंगानगरमधून जयदीप बिहाणी यांना तिकीट दिल्याने नाराज झालेल्या विनिता आहुजा यांनी अपक्ष उमेदवार म्हणून निवडणूक लढवण्याची घोषणा केली.

मध्य प्रदेशातही निदर्शने –
मध्य प्रदेशात भाजप आणि काँग्रेस या दोन्ही सत्ताधारी पक्षांच्या कार्यकर्त्यांनी निदर्शने सुरू केली. राज्याचे माजी आरोग्य मंत्री रुस्तम सिंह यांनी मुरैनामधून तिकीट न मिळाल्याने भाजप सोडून बसपमध्ये प्रवेश केला. बसपाने त्यांच्या मुलाला येथून उमेदवारी दिली आहे.

रामवीरसिंग सिकरवार यांच्याऐवजी योगेंद्र सिंग उर्फ ​​बंटी बाणा यांना तिकीट द्यावे, अशी मागणी शुजालपूरमधील काँग्रेस कार्यकर्त्यांनी केली. सोमवारी (23 ऑक्टोबर) काँग्रेसने आमला मतदारसंघातून मनोज माळवे यांना उमेदवारी दिली. अशा परिस्थितीत काँग्रेसने राज्यातील सर्व 230 जागांवर आपले उमेदवार जाहीर केले आहेत. मध्य प्रदेश निवडणुकीसाठी 17 नोव्हेंबरला मतदान होणार आहे, तर 3 डिसेंबरला मतमोजणी होणार आहे.