इंदापूर : इंदापूर विधानसभा मतदारसंघातील राष्ट्रवादी काँग्रेस पार्टी शरदचंद्र पवार पक्ष, काँग्रेस, शिवसेना (उद्धव बाळासाहेब ठाकरे) यांच्या महाविकास आघाडीचे उमेदवार माजी मंत्री हर्षवर्धन पाटील यांच्या प्रचारार्थ खासदार अमोल कोल्हे यांच्या जंगी प्रचारसभेचे आयोजन निमगाव केतकी येथे शनिवार (दि. 16) सायंकाळी 4 वाजता करण्यात आले आहे.
सध्या राज्यभर खासदार अमोल कोल्हे यांचा सभांचा धडाका जोरात सुरू आहे. डॉ. कोल्हे यांना मानणारा प्रचंड मोठा वर्ग संपूर्ण राज्यामध्ये सर्व क्षेत्रांमध्ये आहे. पुणे जिल्ह्यामध्ये सामाजिक, राजकीय क्षेत्रात खासदार अमोल कोल्हे यांच्या शब्दाला मोठा मान आहे. तरी या सभेला नागरिकांनी मोठ्या संख्येने उपस्थित राहावे, असे आवाहन राष्ट्रवादी काँग्रेस पार्टी शरदचंद्र पवार पक्षाने केले आहे.
