मुंबई – आदिपुरुष चित्रपट सध्या चांगलाच चर्चेत आहे. टिझर प्रदर्शित झाल्यानंतर अनेकांना या चित्रपटातील काही बाबी खटकल्यानंतर त्यांनी सोशल मीडियावर व्यक्त व्हायला सुरुवात केली होती. ज्यात अनेकांनी रामायणातील बदलत्या पात्रांवर आक्षेप घेतल्याचे दिसून आले होते. त्यानंतर भाजप नेते राम कदम यांनी देखील या चित्रपटाला विरोध करत चित्रपट प्रदर्शित होऊ देणार नसल्याचा इशारा देत ट्विट केले होते. महाराष्ट्र नवनिर्माण सेनेने मात्र या चित्रपटाला आपला पाठींबा दर्शवला आहे.
मनसे चित्रपट सेनेचे अध्यक्ष अमेय खोपकर यांनी ट्विट करत आदिपुरुष चित्रपटाला आपला पाठींबा दर्शवला आहे. आपल्या ट्विटमध्ये ते म्हणतात,”ओम राऊत या दिग्दर्शकाने यापूर्वी लोकमान्य आणि तान्हाजी या कलाकृतींमधून इतिहासाची अभ्यासपूर्ण मांडणी केलेली आहे. स्वातंत्र्यवीर सावरकर स्मारकात ओम राऊत यांनी साकारलेला भव्य लाईट ॲंड साऊंड शो आजही दिमाखात सुरु आहे.ओम राऊत याच्या आगामी ‘आदिपुरुष’ टीझरवरुन टीका होणं हे दुर्दैवी आहे. ओम राऊत आणि सहकाऱ्यांच्या प्रामाणिक प्रयत्नांची प्रचीती चित्रपट प्रदर्शित झाल्यावर येईल अशी आम्हाला खात्री आहे. म्हणूनच महाराष्ट्र नवनिर्माण चित्रपट कर्मचारी सेनेचा ‘आदिपुरुष’ निर्मितीला पूर्ण पाठिंबा आहे.”
२)ओम राऊत याच्या आगामी ‘आदिपुरुष’ टीझरवरुन टीका होणं हे दुर्दैवी आहे. ओम राऊत आणि सहकाऱ्यांच्या प्रामाणिक प्रयत्नांची प्रचीती चित्रपट प्रदर्शित झाल्यावर येईल अशी आम्हाला खात्री आहे. म्हणूनच महाराष्ट्र नवनिर्माण चित्रपट कर्मचारी सेनेचा ‘आदिपुरुष’ निर्मितीला पूर्ण पाठिंबा आहे.
— Ameya Khopkar (@MNSAmeyaKhopkar) October 7, 2022
राम कदम नेमकं काय म्हणाले होते
आदिपुरुष हा चित्रपट महाराष्ट्रात प्रदर्शित होऊ देणार नाही. या चित्रपटात निर्मात्यांनी पुन्हा एका किरकोळ प्रसिद्धीसाठी आमच्या देवी देवतांचं विडंबन करुन कोट्यवधी हिंदू लोकांच्या श्रद्धा आणि आस्थेला ठेच पोहोचवली आहे. आता वेळ आली आहे… या विडंबनाचा फक्त माफीनामा.” असे राम कदम यांनी त्यांच्या ट्वीटमध्ये म्हटले आहे.
#आदिपुरुष फिल्म को महाराष्ट्र के भूमी प्रदर्शित नही होने देंगे#आदिपुरुष फिल्म मे पुनः एक बार फिल्म निर्माताओ ने ओछी पब्लिसिटी पाने के लिये हमारे #देवी #देवताओ विडंबन करके कराडो करोडो हिंदू लोगो की श्रद्धा और आस्था को आहत किया.
अब समय आ गया है .. केवल माफीनामा या विडंबन का
— Ram Kadam (@ramkadam) October 6, 2022