Sandeep Deshpande : नसरापूर अत्याचार आणि हत्येचा प्रकरणाने महाराष्ट्रात संतापाचे वातावरण आहे. या प्रकरणातील आरोपीला फाशीची शिक्षा द्या, अशी मागणी जोर धरू लागली आहे. या प्रकरणावर नुकतेच मनसे प्रमुख राज ठाकरे यांनी सोशल मीडियावरून पोस्ट करत राज्य सरकारला धारेवर धरले होते. पोस्टमध्ये त्यांनी आरोपीला हालहाल करुन संपवावं अशी मागणी केली होती. या मागणीवर ज्येष्ठ विधिज्ञ असीम सरोदे यांनी मनसे अध्यक्ष राज ठाकरेंवर गुन्हा दाखल करण्याची मागणी केली आहे. यावर आता मनसेकडून प्रत्युत्तर देण्यात आले आहे. नेमकं काय म्हणाले होते अॅड. असीम सरोदे? राज ठाकरेंची भूमिका लोकांना भडकावणारी आहे. पुणे पोलिसांनी राज ठाकरेंना समजपत्र दिलं पाहिजे. नरसापुरच्या घटनेबाबत लोकांच्या भावना तीव्र आहेत. त्या आपण समजू शकतो मात्र अशी विधानं करणं बेकायदेशीर असून हा कायद्याचा अनादर आहे. आरोपी सुटता कामा नये ही सगळ्यांचीच भावना आहे. या आरोपीला कायद्यानुसार फाशीचीच शिक्षा होणार असे असीम सरोदे यांनी म्हटले होते. मनसेच्या संदीप देशपांडेकडून प्रत्युत्तर (Sandeep Deshpande) Sandeep Deshpande : असीम सरोदेंच्या मागणीवर मनसेकडून प्रत्युत्तर; संदीप देशपांडे म्हणाले “जे काही करायचं ते…” असीम सरोदेंच्या वक्तव्यावर प्रतिक्रिया देताना संदीप देशपांडे म्हणाले की, आम्ही बोललो ते बोललो सरोदेंना जे काही करायचं ते करावं, शक्ती कायद्याची अंमलबजावणी सरकार कधी करणार? सरकार संवेदनशील नाही म्हणून असे प्रकार घडतायेत. कायद्याचा धाक राहिलेला नाही. हे असीम सरोदेंसारख्या माणसाला कळणार नाही अशी प्रतिक्रिया संदीप देशपांडेंनी दिली आहे. नेमकं प्रकरण काय? १ मे महाराष्ट्र दिनाच्या दिवशी एक हृदयद्रावक घटना घडली. पुणे जिल्ह्यातील नसरापूर येथे एका ६५ वर्षीय नराधमाने अवघ्या साडे तीन वर्षांच्या चिमुकलीवर अत्याचार करून तिची हत्या केली. या घटनेने महाराष्ट्र हळहळला. पोलिसांनी आरोपीला सीसीटीव्ही फुटेजच्या आधारे शोध घेत बेड्या ठोकल्या. ७ मेपर्यंत आरोपाला पोलीस कोठडीत ठेवण्याचे आदेश न्यायालयाने दिले. या आरोपीचे नाव भीमराव कांबळे आहे. नुकताच चिमुकलीचा पोस्टमार्टेम रिपोर्ट समोर आला असून त्यातील तपशील मन हेलावून टाकणारे आहेत. हेही वाचा :अग्रलेख : बायपोलर सिस्टीमकडे