चंद्रपूर – राज्याचे मदत आणि पुनर्वसन मंत्री विजय वडेट्टीवार यांना करोनाची लागण झाली आहे. त्यांना डॉक्टरांनी विलगीकरणात राहण्याचा सल्ला दिला आहे. गेल्या काही दिवसांपासून राज्यात अनेक मंत्री, आमदार आणि खासदारांना करोनाची लागण होत आहे. त्यातच आता आणखी एका मंत्र्याला करोनाची लागण झाली आहे.
मिळालेल्या माहितीनुसार विजय वडेट्टीवार यांना करोनाचा संसर्ग झाला आहेच वडेट्टीवार हे सध्या मुंबईत विधिमंडळ अधिवेशनात सहभागी झाले आहे. त्यांचा करोनाचा अहवाल पॉझिटिव्ह आल्यानंतर त्यांना डॉक्टरांनी विलगीकरणात हण्याचा सल्ला दिला आहे. तसेच त्यांची प्रकृती स्थीर असल्याचे सांगण्यात आले आहे.
दरम्यान, राज्याचे अर्थसंकल्पीय अधिवेशन 1 मार्चपासून सुरु झाले आहे. या अधिवेशनात विजय वडेट्टीवार सहभागी झाले होते. त्यामुळे आता त्यांच्या संपर्कात आलेल्यांनी चाचणी करावी, असे आवाहन करण्यात आले आहे.