Delhi Election : दिल्लीतील बहुतेक जागांवर मुख्य लढत आप आणि भाजपमध्ये दिसून आली. तथापि, एक जागा अशी होती जिथे असदुद्दीन ओवैसी यांच्या पक्ष एआयएमआयएमने आम आदमी पक्षाचे काम बिघडवले. ही जागा मुस्लिम बहुल मानली जाते.
मुस्लिम बहुल मुस्तफाबाद जागा भाजपच्या ताब्यात गेली आहे. येथून भाजपचे मोहन सिंग बिष्ट यांनी आम आदमी पक्षाचे आदिल अहमद खान यांचा १७ हजार ५७८ मतांनी पराभव केला आहे. या जागेवर ओवेसींच्या पक्ष एआयएमआयएमकडून निवडणूक लढवणाऱ्या ताहिर हुसेन यांनी आपचा खेळ खराब केला आहे.
ताहिर हुसेन यांना ३३ हजार ४७४ मते मिळाली आहेत. त्याच वेळी, आपचे आदिल यांना ६७ हजार ६३७ मते मिळाली. तर, मोहन सिंग बिष्ट यांना ८५२१५ मते मिळाली आहेत. जर ओवेसी यांनी ही निवडणूक लढवली नसती तर आप ही जागा जिंकू शकले असते.
