मोगा – भारतीय वायू दलाचे MiG-21 या लढाऊ विमानाला मोठा अपघात झाल्याची माहिती समोर आली आहे. हे विमान मध्यरात्री उशिरा कोसळून हा अपघात झाला आहे. पंजाबच्या मोगा शहराजवळ ही दुर्घटना घडली आहे. नियमित प्रशिक्षणासाठी या विमानाने उड्डाण घेतले होते. राजस्थानच्या सूरतगढ स्टेशनवरुन या विमानाने उड्डाण घेतले असून त्याचवेळी विमानाला हा अपघात झाला आहे. अपघातात पायलट गंभीर जखमी झाले आहेत. अशी माहिती वायू दलाच्या अधिकाऱ्याकडून देण्यात आली आहे.
An Indian Air Force MiG-21 fighter aircraft crashed near Moga in Punjab late last night. The aircraft was on a routine training sortie when the accident happened: IAF officials pic.twitter.com/7mNc5joJy8
— ANI (@ANI) May 21, 2021
पंजाबच्या मोगा शहराजवळ भारतीय वायू दलाचे MiG-21 या लढाऊ विमानाला अपघात झाला असून. यामध्ये MiG-21विमान जळून खाक झाले आहे. अपघाताची माहिती मिळताच भारतीय वायूसेनेने घटनास्थळी त्यांची एक टीम पाठवली आहे. या अपघातात पायलट अभिनव चौधरी गंभीर जखमी झाले आहेत. हा अपघात नेमका कशामुळे झाला याबाबत माहिती समोर आली नाही. मात्र याबाबत तात्काळ चौकशीचे आदेश देण्यात आले आहे. अशी माहिती भारतीय वायू दलाकडून देण्यात आली आहे.