क्वालांलपूर : लंडन ऑलिम्पिकमधील कांस्यपदक विजेत्या साईना नेहवाल हिने गुरूवारी दक्षिण कोरियाच्या ऑन से यंगचा पराभव मलेशिया मास्टर्स बॅडमिंटन स्पर्धेच्या महिला एकेरीच्या उपांत्यपूर्व फेरीत प्रवेश केला आहे.
Badminton: Saina Nehwal beat South Korean An Se Young 25-23, 21-12 in 2nd round.#MalaysiaMastersSuper500 pic.twitter.com/uREJZ6XI0T
— Doordarshan Sports (@ddsportschannel) January 9, 2020
स्पर्धेच्या दुस-या फेरीत साईनाने ऑन से यंगचा २५-२३, २१-१२ असा पराभव केला. ही लढत ३९ मिनिटे चालली. साईना जागतिक क्रमवारीत ११ व्या तर अॅन से यंग ९ व्या स्थानावर आहे. यंग हिने गेल्या मोसमातील फ्रेंच ओपनमध्ये साईनाला नमविले होते.
साईनाची उपांत्यपूर्व फेरीत ऑलिम्पिक चॅम्पियन कैरोलिना मारिनविरूध्द लढत होईल. दरम्यान, पहिल्या लढतीत साईना नेहवालने बेल्जियमच्या लिऑन टॅनला २१-१५, २१-१७ असे नमविले होते.