मुंबई – भांडण, प्रेम, द्वेष आणि स्पर्धा या सगळ्यांचं मिश्रण असलेला सर्वांचा लाडका रिएलिटी शो पुन्हा एकदा मनोरंजन करण्यासाठी सज्ज झाला आहे. आणि तो शो आहे आपला मराठी “बिग बॉस”. पहिल्या दोन पर्वांच्या घवघवीत यशानंतर आता बिग बॉस मराठीचा तिसरा सीजन प्रेक्षकांच्या भेटीस येणार आहे.
नुकतंच ‘बिग बॉस 3′ चा टिझर कलर्स मराठी चॅनलच्या ऑफिशल इंस्टाग्राम अकाऊंटवर शेअर करण्यात आला आहे. तसेच, या टिझर खाली “पुन्हा होणार कल्ला, पुन्हा होणार राडे आणि सदस्यांसोबत रंगणार खेळ दर्जेदार, कारण पुन्हा दिमाखात उघडणार बिगबॉसच्या घराचं दार’ असं कॅप्शन सुद्धा देण्यात आलं आहे.
त्यामुळे यंदाच्या तिसऱ्या सीझनमध्ये कोण कोण स्पर्धक सहभागी होणार, यंदाची थीम काय असेल, काय नवीन पाहायला मिळणार अशा अनेक प्रश्नांबाबत रसिकांच्या मनात उत्सुकता वाढली आहे.