Maharashtra CM Oath: देवेंद्र फडणवीस यांनी गुरुवारी मुंबईतील आझाद मैदानावर एका शानदार सोहळ्यात तिसऱ्यांदा महाराष्ट्राच्या मुख्यमंत्रीपदाची शपथ घेतली. या सोहळ्याला पंतप्रधान नरेंद्र मोदी यांच्यासह अनेक मान्यवर उपस्थित होते. भाजप नेत्यासोबतच शिवसेना प्रमुख एकनाथ शिंदे आणि राष्ट्रवादीचे नेते अजित पवार यांनीही महाराष्ट्राच्या उपमुख्यमंत्रिपदाची शपथ घेतली.
#WATCH | Mumbai: Devendra Fadnavis takes oath as Chief Minister of Maharashtra pic.twitter.com/i14uGpEyr6
— ANI (@ANI) December 5, 2024
उर्वरित मंत्री कधी शपथ घेतील, असे विचारले असता भाजप नेते सुधीर मुनगंटीवार म्हणाले, प्रशासकीय अडथळे टाळण्यासाठी विधानसभेचे हिवाळी अधिवेशन सुरू होण्यापूर्वी मंत्रिपरिषद शपथ घेतील.
Mumbai | NCP chief Ajit Pawar takes oath as Deputy CM of Maharashtra pic.twitter.com/g7lVdrhh9z
— ANI (@ANI) December 5, 2024
एकनाथ शिंदे आणि अमित शहा यांच्यात बैठक होणार –
शपथविधीनंतर युतीतील तीन पक्षांमध्ये विभागांचे वाटप करण्याचे पुढील काम आहे, त्यानंतरच मंत्रिमंडळाचा शपथविधीही शक्य होणार आहे. एकनाथ शिंदे गृहखात्यावर ठाम असल्याचे वृत्त आहे. यापूर्वी ते उपमुख्यमंत्रीपदासाठीही तयार नव्हते आणि शिवसेनेचे नेते शेवटच्या क्षणापर्यंत त्यांची मनधरणी करत होते.
#WATCH | Shiv Sena’s Eknath Shinde takes oath as Deputy CM of Maharashtra pic.twitter.com/G33WOBOLbw
— ANI (@ANI) December 5, 2024
शपथविधी सोहळ्यापूर्वी शिवसेना नेते संजय शिरसाट यांनी प्रसारमाध्यमांशी बोलताना सांगितले की, शपथविधी समारंभानंतर एकनाथ शिंदे केंद्रीय गृहमंत्री अमित शहा यांच्यासोबत बैठक घेणार असून गृहमंत्री आणि इतर पदांबाबत निर्णय घेतला जाईल.
महायुतीतील पक्षांमध्ये दोन आठवड्यांच्या तीव्र चर्चेनंतर नवीन सरकार स्थापन झाले. महाराष्ट्र विधानसभा निवडणुकीत महायुतीने दणदणीत विजय मिळवला आहे. मित्रपक्ष शिवसेना आणि राष्ट्रवादीसह भाजपच्या नेतृत्वाखालील महायुती आघाडीकडे 230 जागांचे प्रचंड बहुमत आहे. एकट्या भाजपने 132 जागा जिंकल्या.
शपथविधी सोहळ्याला 42,000 हून अधिक लोक उपस्थित –
शपथविधी सोहळ्याला 42,000 हून अधिक लोक उपस्थित होते. मुंबईतील आझाद मैदानावर पीएम मोदींशिवाय अनेक केंद्रीय मंत्री, अनेक राज्यांचे मुख्यमंत्री आणि उपमुख्यमंत्री उपस्थित होते. सर्व क्षेत्रातील दिग्गज उपस्थित होते.
40,000 भाजप समर्थकांच्या उपस्थितीसाठी विशेष व्यवस्था करण्यात आली होती, तर 2,000 VVIP साठी स्वतंत्र बसण्याची जागा तयार करण्यात आली होती. सुरक्षेसाठी चार हजारांहून अधिक पोलिस तैनात करण्यात आले होते.
