Mahadev Betting App Scam । महादेव सत्ता ॲपचा किंगपिन सौरभ चंद्राकर याला दुबईत ताब्यात घेण्यात आल्याची बातमी आहे. सूत्रांनी दिलेल्या माहितीनुसार, अंमलबजावणी संचालनालयाच्या (ईडी) विनंतीवरून इंटरपोलच्या रेड कॉर्नर नोटीस अंतर्गत ही कारवाई करण्यात आली आहे. यूएईच्या अधिकाऱ्यांनी सौरभ चंद्राकरच्या ताब्यात असल्याची माहिती भारत सरकार आणि सीबीआयला दिली आहे.
त्याच्या अटकेची बातमी आल्यानंतर आता त्याच्या प्रत्यार्पणाची प्रक्रिया वेगाने सुरू आहे. सौरभ चंद्राकरला लवकरच भारतात आणण्यात येणार असल्याचे सांगण्यात येत आहे. सौरभ चंद्राकरला डिसेंबर 2023 मध्ये UAE मध्ये ताब्यात घेण्यात आले होते, तेव्हापासून तो दुबई पोलिसांच्या ताब्यात आहे. त्याला भारतात पाठवण्याची जवळपास सर्व औपचारिकता पूर्ण झाली असून येत्या 10 दिवसांत त्याला भारतात पाठवले जाईल, असे ईडीच्या सूत्रांचे म्हणणे आहे.
कोट्यावधींच्या घोटाळ्याचा सूत्रधार बनला ज्यूस विक्रेता Mahadev Betting App Scam ।
सौरभ चंद्राकर यांच्यावर ६ हजार कोटींहून अधिक रुपयांच्या घोटाळ्याचा आरोप आहे. हजार कोटींच्या घोटाळ्यातील हा आरोपी पूर्वी सामान्य ज्यूस विक्रेता होता. काही वर्षांपूर्वीपर्यंत सौरभ छत्तीसगडची राजधानी रायपूरमध्ये चंद्रकर ज्यूस फॅक्टरी नावाने ज्यूसचे दुकान चालवत असे. त्याचे रस्त्याच्या कडेला दुकान होते त्यामुळे त्याचे उत्पन्न फारसे नव्हते, त्याला जास्त पैसे कमवायचे होते, त्याने आपले ज्यूसचे दुकान वाढवायला सुरुवात केली. छत्तीसगडमधील अनेक शहरांमध्ये ज्यूस फॅक्टरी नावाची दुकाने सुरू झाली. ज्यूस विकण्यासोबतच सौरभ चंद्राकरला सट्टेबाजीचीही सवय होती. आधी तो ऑफलाइन बेटिंग खेळायचा, पण कोरोनामुळे तो ऑनलाइन बेटिंग खेळू लागला. लॉकडाऊन दरम्यान त्यांनी रवी उप्पल नावाच्या व्यक्तीच्या सहकार्याने महादेव बॅटिंग ॲप लाँच केले.
महादेव बेटिंग ॲप काय आहे? Mahadev Betting App Scam ।
महादेव बेटिंग ॲप ऑनलाइन बेटिंगसाठी तयार करण्यात आले होते. यावर यूजर्स पोकर, कार्ड गेम्स, चान्स गेम्स नावाचे लाईव्ह गेम्स खेळायचे. क्रिकेट, बॅडमिंटन, टेनिस, फुटबॉल आणि निवडणुकांसारख्या खेळांवर सट्टेबाजीही ॲपद्वारे केली जात होती. अवैध सट्टेबाजीच्या जाळ्यातून या ॲपचे जाळे वेगाने पसरले. हे ॲप छत्तीसगडमध्ये सर्वाधिक वापरले जाऊ लागले. या ॲपद्वारे फसवणुकीची संपूर्ण ब्ल्यू प्रिंट तयार करण्यात आली होती.
हेही वाचा
महिला आयपीएस अधिकाऱ्याची सहकाऱ्यांकडूनच जासूशी..! प्रकरण समोर येताच मोठी खळबळ…
