नवी दिल्ली – यष्टिमागून प्रतिस्पर्धी फलंदाजाच्या हालचालींवर नजर ठेवून गोलंदाजांना मार्गदर्शन करण्याची भूमिका धोनी उत्तमपणे बजावतो. मात्र, धोनीने यष्टीमागून दिलेल्या बऱ्याच टिप्स अपयशी ठरतात असा खुलासा भारतीय संघाचा मुख्य फिरकी गोलंदाज कुलदीप यादवने केला आहे.
सिएट पुरस्कार वितरण सोहळ्यात फिरकीपटू कुलदीप यादवला पुरस्काराने गौरविण्यात आले होते. त्यावेळी धोनीबद्दल विचारण्यात आलेल्या प्रश्नावर बोलताना कुलदीपने आपले मत मांडले. सामन्यादरम्यान यष्टीमागून धोनी अनेकदा गोलंदाजांना मार्गदर्शन करत असतो. षटक सुरू असताना मध्येच तो आम्हाला काही टिप्स देतो. काहीवेळा त्या कामी येतात, पण अनेकदा त्या अपयशीही ठरतात. धोनीच्या टिप्स चुकीच्या ठरल्या तरीही माही भाईला आम्ही काही बोलू शकत नाही.